ન્યુઝ કન્ટિન્યુઝ બ્યુરો
મુંબઈ, 13 નવેમ્બર, 2021
શનિવાર
ટીવી અભિનેત્રી કરિશ્મા તન્ના આજકાલ નાના પડદાથી દૂર છે અને જીવનનો ભરપૂર આનંદ માણી રહી છે. થોડા મહિના પહેલા સમાચાર આવ્યા હતા કે કરિશ્માને કોઈ ખાસ મળી ગયું છે અને તેઓ જલ્દી જ સેટલ થવાનું વિચારી રહ્યા છે. સાંભળવામાં આવ્યું છે કે તે રિયલ એસ્ટેટ બિઝનેસમેન વરુણ બંગેરા સાથે ડેટ કરી રહી હતી. હવે કરિશ્માએ તેના બોયફ્રેન્ડ સાથે સગાઇ કરી લીધી છે. વરુણે તેના સોશિયલ મીડિયા એકાઉન્ટ પર કરિશ્મા સાથેની પોતાની એક સુંદર તસવીર શેર કરી છે. તેમજ, અભિનેત્રીએ કેકનો એક ફોટો શેર કર્યો છે, જેના પર અભિનંદન (Congratulations ) સંદેશ લખવામાં આવ્યો છે. એક મીડિયા હાઉસ ના અહેવાલ મુજબ, કપલના નજીકના સૂત્રોએ જણાવ્યું છે કે સગાઈ ફક્ત નજીકના પરિવારના સભ્યો અને મિત્રોની હાજરીમાં થઈ હતી.
કરિશ્મા અને વરુણની મુલાકાત એક કોમન ફ્રેન્ડ સુવેદ લોહિયા દ્વારા થઈ હતી અને ત્યારથી તેમના સંબંધો વધુ મજબૂત થઈ રહ્યા છે. કરિશ્મા અને વરુણ છેલ્લા કેટલાક સમયથી એકબીજાને ડેટ કરી રહ્યા છે. સાથે વેકેશન માણવાથી લઈને એકબીજા સાથે સમય વિતાવવા સુધી, કપલ તેમના સંબંધોને લઈને ખૂબ જ ગંભીર છે. તેઓ જલ્દી લગ્ન કરી શકે છે. આ વર્ષે ઓગસ્ટમાં અભિનેત્રીએ તેના બોયફ્રેન્ડ વરુણ માટે જન્મદિવસની પાર્ટી રાખી હતી. જન્મદિવસની પાર્ટીમાં તેના તમામ નજીકના મિત્રોને આમંત્રણ આપવામાં આવ્યું હતું. અગાઉ એવી અફવા હતી કે કરિશ્મા પર્લ વીને ડેટ કરી રહી છે. બંને થોડા સમય પહેલા અલગ થઈ ગયા હતા અને હજુ પણ સારા મિત્રો છે.
બદલો લેવા વાપસી કરી રહી છે 'આર્યા', બીજી સીઝનના ટીઝરમાં દેખાઈ અભિનેત્રી ની જબરદસ્ત સ્ટાઈલ; જાણો વિગત
કરિશ્મા છેલ્લે ફિલ્મ 'સૂરજ પે મંગલ ભારી'માં જોવા મળી હતી. તેણે ફિલ્મમાં સ્પેશિયલ ડાન્સ નંબર 'બસંતી' કર્યો હતો જેને બધાએ વખાણ્યો હતો. અભિનેત્રી 'નચ બલિયે', 'બિગ બોસ 8', 'ઝલક દિખલા જા' જેવા કેટલાક મોટા રિયાલિટી શોનો ભાગ પણ રહી ચુકી છે. તે 'ખતરો કે ખિલાડી 10' ની વિજેતા રહી ચૂકી છે. કરિશ્મા અગાઉ ઉપેન પટેલને ડેટ કરી ચૂકી છે, તેમની મુલાકાત 'બિગ બોસ'ના ઘરમાં થઈ હતી.
