News Continuous Bureau | Mumbai
બોલિવૂડ એક્ટર કાર્તિક આર્યન (Kartik Aryan)ફરીથી મોટા પડદા પર દસ્તક આપવા માટે તૈયાર છે. ફિલ્મ 'ભૂલ ભુલૈયા 2' (Bhool Bhsulaiya 2) માં તે ક્યારેક કોમેડી કરતો જોવા મળશે તો ક્યારેક 'ભૂત'ને કંટ્રોલ કરતો જોવા મળશે. હા, 'ભૂલ ભુલૈયા 2' (Bhool Bhsulaiya 2) નું ટીઝર (teaser)મેકર્સ દ્વારા રિલીઝ કરવામાં આવ્યું છે. જેમાં કાર્તિક આર્યન અક્ષય કુમારની(Akshay Kumar) નકલ કરતો જોવા મળી રહ્યો છે.
આ ફિલ્મમાં કિયારા અડવાણી કાર્તિક (Kartik Aryan)સાથે સ્ક્રીન શેર કરવા જઈ રહી છે. 53-સેકન્ડના ટીઝરની શરૂઆતમાં, આમી જે તોમર ગીત વાગે છે અને હવેલીનું તાળું તૂટે છે. પછી ઘુંઘરૂ અને ડાકણનો અવાજ આવે છે. આ પછી, કાર્તિક આર્યન, તેના ગળામાં રુદ્રાક્ષની માળા, તેના માથા પર દુપટ્ટો અને કુર્તા પાયજામા પહેરીને દરવાજામાંથી બહાર નીકળે છે. તેમજ, રાજપાલ યાદવ ધુમાડો ઉડાડતો જોવા મળે છે.ટીઝરમાં(teaser) કાર્તિક આર્યન ફુલ સ્વેગમાં જોવા મળી રહ્યો છે. અભિનેતાએ તેના ઇન્સ્ટાગ્રામ પર ફિલ્મનું ટીઝર પણ શેર કર્યું છે. તેણે કેપ્શનમાં લખ્યું, 'રુહ બાબા આવી રહ્યા છે… મંજુલિકા સાવધાન રહેજે.' આ ફિલ્મ 20 મે 2022ના રોજ રિલીઝ થશે. ફિલ્મના પહેલા ભાગની જેમ રાજપાલ યાદવ પણ પોતાની કોમેડીથી લોકોને હસાવશે.
આ સમાચાર પણ વાંચો : બોલિવૂડ અભિનેતા અક્ષય કુમાર ભોપાલમાં મુખ્યમંત્રી શિવરાજ સિંહને મળ્યા, આ વિષય પર કરી ચર્ચા
આ ફિલ્મમાં કાર્તિક (Kartik Aryan)અને રાજપાલ યાદવ (Rajpal Yadav)સાથે સંજય મિશ્રા, કિયારા અડવાણી (Kiyara Advani)અને તબ્બુ(Tabbu) જોવા મળશે.આ ફિલ્મને ભૂષણ કુમાર, મુરાદ ખેતાની, અંજુમ ખેતાની અને ક્રિશન કુમારે પ્રોડ્યુસ કરી છે. આ ફિલ્મ 'ભૂલ ભુલૈયા' (Bhool Bhsulaiya )નો બીજો ભાગ છે. 'ભૂલ ભુલૈયા' વર્ષ 2007માં રિલીઝ થઈ હતી. જે સુપરહિટ સાબિત થઈ હતી. આ ફિલ્મમાં અક્ષય કુમાર, વિદ્યા બાલન, અમીષા પટેલ, સૈની આહુજા, પરેશ રાવલ, અસરાની અને રાજપાલ યાદવ હતા. વિદ્યા બાલને મંજુલિકાનું પાત્ર ભજવ્યું હતું. તેની ભૂમિકાની સર્વત્ર પ્રશંસા થઈ હતી.
