ન્યુઝ કન્ટિન્યુઝ બ્યુરો
મુંબઈ, 8 ડિસેમ્બર 2021
બુધવાર
કેટરિના કૈફ અને વિકી કૌશલની સંગીત સેરેમની સાથે લગ્નની અન્ય વિધિઓ પણ શરૂ થઈ ગઈ છે. રાજસ્થાન માં લગ્ન સ્થળે બારતી સાથે મહેમાનોના આવવાની પ્રક્રિયા શરૂ થઈ ગઈ છે. આ રોયલ વેડિંગ સેરેમનીમાં ફિલ્મ ઈન્ડસ્ટ્રીની જાણીતી હસ્તીઓ પણ હાજરી આપશે. એક તરફ ફેન્સ #ViKat ના લગ્નને લઈને ખૂબ જ ઉત્સાહિત છે તો બીજી તરફ તેમના માટે વધુ એક સારા સમાચાર સામે આવી રહ્યા છે.
એક ન્યૂઝ પોર્ટલના લેટેસ્ટ રિપોર્ટ અનુસાર કેટરીના કૈફ અને વિકી કૌશલ લગ્ન બાદ એક સાથે ફિલ્મ સાઈન કરવા બાબતે ગંભીરતાથી વિચારી રહ્યા છે. લગ્ન અને હનીમૂન પછી બંને પોતાના આગળના પ્રોજેક્ટ પર કામ કરશે. એવું પણ કહેવામાં આવી રહ્યું છે કે વર્ક કમિટમેન્ટ્સને કારણે તેઓ લગ્ન પછી લાંબા વેકેશન પર જઈ શકશે નહીં.વિકી અને કેટરીનાએ બોલિવૂડની ઘણી હિટ ફિલ્મોમાં કામ કર્યું છે, પરંતુ બંને ક્યારેય પડદા પર સાથે જોવા મળ્યા નથી. જ્યારે બંનેએ એકબીજાને ડેટ કરવાનું શરૂ કર્યું, ત્યારે તેમને એક સાથે ફિલ્મમાં મુખ્ય ભૂમિકા માટે ઘણી ઑફર્સ મળી. હવે સમય આવી ગયો છે જ્યારે બંને એક ફિલ્મમાં સાથે જોવા મળશે.
જો મીડિયા ના સૂત્રોનું માનીએ તો કેટરીના અને વિકી એક ખાસ મિત્રના મોટા પ્રોડક્શન હાઉસ માટે ફિલ્મ કરશે. બંને મુખ્ય ભૂમિકા ભજવી શકે છે.તમને જણાવી દઈએ કે વિકી અને કેટરીના 9 ડિસેમ્બર 2021ના રોજ લગ્નના બંધનમાં બંધાશે. આ લગ્ન સમારોહમાં મિત્રો અને પરિવારના સભ્યો હાજર રહેશે. હાલમાં લગ્ન સ્થળે મહેમાનો આવવાનો સિલસિલો અવિરત ચાલુ છે અને લગ્નની વિધિઓ શરૂ થઈ ગઈ છે.
વર્ક ફ્રન્ટની વાત કરીએ તો ગયા મહિને રિલીઝ થયેલી ફિલ્મ 'સૂર્યવંશી'માં કેટરીના કૈફ અક્ષય કુમારની સામે જોવા મળી હતી. તેની આગામી ફિલ્મોની વાત કરીએ તો તે મનીષ શર્માની 'ટાઈગર 3'માં સલમાન ખાન અને ઈમરાન હાશ્મી સાથે જોવા મળશે. આ ઉપરાંત તેની પાસે 'ફોન ભૂત' પણ છે, જેમાં ઇશાન ખટ્ટર અને સિદ્ધાંત ચતુર્વેદી પણ મુખ્ય ભૂમિકામાં છે. અભિનેત્રી પાસે અલી અબ્બાસ ઝફરની સુપરહીરો ફિલ્મ અને ફરહાન અખ્તરની 'જી લે ઝરા' પણ છે, જેમાં આલિયા ભટ્ટ અને પ્રિયંકા ચોપરા પણ છે.વિકી કૌશલની વાત કરીએ તો તેની પાસે મેઘના ગુલઝારની સેમ માણેકશાની બાયોપિક છે. આ સિવાય 'ધ અમર અશ્વત્થામા' અને 'ગોવિંદા મેરા નામ' પણ છે. તે કરણ જોહરની 'તખ્ત'માં પણ જોવા મળશે.
