સલમાન ખાનથી લઈને યુવરાજ સિંહ સુધી, આ સ્ટાર્સ ‘જાતિવાદ’ શબ્દનો ઉપયોગ કરીને ખરાબ રીતે ફસાયા છે, જાણો તે સ્ટાર્સ વિશે

ન્યુઝ કન્ટિન્યુઝ બ્યુરો  

મુંબઈ, 22 ઑક્ટોબર, 2021

Join Our WhatsApp Channel

શુક્રવાર

 

સ્ટાર્સ અને વિવાદોનો જૂનો સંબંધ છે. ઘણી વખત સ્ટાર્સ તેમના પ્રશંસકો અથવા ચાહકો વચ્ચે મજાકમાં કંઈક કહે છે, જેના માટે તેમને પાછળથી ઘણો પસ્તાવો કરવો પડે છે. આ સૂચિમાં, અમે તે સ્ટાર્સ વિશે વાત કરી રહ્યા છીએ જેઓ જાણતાં અથવા અજાણતાં જાતિવાદી શબ્દનો ઉપયોગ કરીને ખરાબ રીતે ફસાઈ ગયા છે.

યુવરાજ સિંહ

ગયા વર્ષે ક્રિકેટર યુવરાજ સિંહે ક્રિકેટર રોહિત શર્મા સાથે ઇન્સ્ટાગ્રામ લાઇવ સત્ર દરમિયાન યુઝવેન્દ્ર ચહલ સામે જાતિવાદ શબ્દનો ઉપયોગ કર્યો હતો. જે બાદ ભારે હંગામો થયો હતો. ક્રિકેટર યુવરાજ સિંહે આ અંગે જાહેરમાં માફી માગવી પડી હતી. આ કેસમાં યુવરાજ સિંહની હરિયાણાના હિસાર જિલ્લામાં પણ ધરપકડ કરવામાં આવી હતી. બાદમાં તેને જામીન પર મુક્ત કરવામાં આવ્યો હતો.

યુવિકા ચૌધરી

અભિનેત્રી યુવિકા ચૌધરી સામે પણ જાતિવાદી શબ્દો વાપરવા બદલ કેસ નોંધવામાં આવ્યો છે. જે બાદ અભિનેત્રીએ ટ્વીટ કરીને માફી માગી હતી. યુવિકા ચૌધરીનો વાંધાજનક શબ્દો સાથેનો વીડિયો સોશિયલ મીડિયા પર વાયરલ થયો હતો.

મુનમુન દત્તા

‘તારક મહેતા કા ઉલ્ટા ચશ્મા’ ફેમ અભિનેત્રી મુનમુન દત્તા વિરુદ્ધ જાતિવાદી શબ્દો વાપરવા બદલ ફરિયાદ પણ દાખલ કરવામાં આવી હતી. અભિનેત્રીએ વીડિયોમાં વાંધાજનક શબ્દનો ઉપયોગ કર્યો હતો. બાદમાં અભિનેત્રીએ જાહેરમાં માફી માગવી પડી હતી

સલમાન ખાન

બૉલિવુડ સુપરસ્ટાર સલમાન ખાને વર્ષ 2017માં પોતાના ટીવી રિયાલિટી શો ‘બિગ બૉસ’ના મંચ પર વાલ્મીકિ સમુદાય પર કથિત રીતે વાંધાજનક ટિપ્પણી કરી હતી. ફિલ્મ સ્ટારે તેની નૃત્ય કુશળતાને નબળી ગણાવવા માટે વાંધાજનક શબ્દનો ઉપયોગ કર્યો હતો. જે બાદ 6 રાજ્યોમાં ફિલ્મ સ્ટાર વિરુદ્ધ FIR નોંધવામાં આવી હતી. બાદમાં સુપરસ્ટારે આ મામલે સુપ્રીમ કોર્ટનો સંપર્ક કરવો પડ્યો હતો.

આદિત્ય નારાયણ

‘ઇન્ડિયન આઇડોલ 12’ના હોસ્ટ અને ગાયક આદિત્ય નારાયણે અલીબાગને લઈને કટાક્ષ કર્યો હતો, જે બાદ મહારાષ્ટ્ર નવનિર્માણ સેનાએ આદિત્ય નારાયણ સામે વાંધો નોંધાવ્યો હતો અને સિંગરે માફી માગવાની માગ કરી હતી. બાદમાં આદિત્ય નારાયણે આ માટે માફી માગવી પડી હતી.

કપિલ શર્મા

ટીવીના કૉમેડી સ્ટાર કપિલ શર્મા પણ જાતિવાદી શબ્દનો ઉપયોગ કરીને ખરાબ રીતે ફસાયો હતો. કૉમેડી સ્ટારે કાયસ્થ સમુદાય વિરુદ્ધ આ ટિપ્પણી કરી હતી. બાદમાં અભિનેતાને ઇન્સ્ટાગ્રામ પર એક પોસ્ટ શૅર કરીને માફી માગવી પડી હતી.

ડ્રગ્‍સ કેસમાં કિંગ ખાનના દીકરા આર્યન ખાનની મુશ્‍કેલી વધીઃ કોર્ટે જેલવાસ આ તારીખ સુધી લંબાવ્‍યો