ન્યુઝ કન્ટિન્યુઝ બ્યુરો
મુંબઈ, 4 જાન્યુઆરી 2022
મંગળવાર
ટીવીનો ફેમસ શો 'ભાભીજી ઘર પર હૈ' દર્શકોને હસાવવાનું શાનદાર કામ કરે છે. શોના તમામ કલાકારો તેમના જબરદસ્ત અભિનય અને કોમેડીથી લોકોનું મનોરંજન કરે છે. શોનું દરેક પાત્ર પોતાનામાં ખાસ છે. 'ભાભી જી ઘર પર હૈં'ની સૌથી પ્રખ્યાત 'અંગૂરી ભાભી'નું પાત્ર દર્શકોને ખૂબ જ પસંદ આવ્યું છે.શોની શરૂઆતમાં શિલ્પા શિંદેએ 'અંગૂરી ભાભી નું પાત્ર ભજવ્યું હતું, જેના કારણે તે ઘર-ઘર માં લોકપ્રિય બની હતી. જોકે, હવે શુભાંગી અત્રે આ પાત્ર ભજવી રહી છે. પરંતુ આજે પણ તેના ફેન્સ શોમાં શિલ્પા શિંદેને મિસ કરે છે.
'અંગૂરી ભાભી' એટલે કે શિલ્પા શિંદે ભલે શો છોડી દીધો હોય પરંતુ આજે પણ લોકો તેને એક જ પાત્રથી ઓળખે છે. શિલ્પા શિંદેએ 'ભાભીજી ઘર પર હૈં'થી ટીવી જગતમાં જબરદસ્ત લોકપ્રિયતા મેળવી છે. તેની અત્યાર સુધીની કમાણી વિશે વાત કરીએ તો તેણે 14 કરોડ રૂપિયાની નેટવર્થ બનાવી છે.આ સાથે જ શિલ્પા સીરિયલ 'ભાબીજી ઘર પર હૈં'ના એક એપિસોડ માટે 35,000 રૂપિયા લેતી હતી. શિલ્પા શિંદે બિગ બોસ-11ની વિનર પણ રહી ચુકી છે અને તેને આ શોના એક એપિસોડ માટે લગભગ 6 થી 7 લાખ રૂપિયા ચૂકવવામાં આવ્યા હતા.
શિલ્પા શિંદે 'ભાભીજી ઘર પર હૈં' શોની સૌથી પસંદીદા કલાકાર હતી. તેની બબલી સ્ટાઈલ દર્શકોને ખૂબ જ પસંદ આવી હતી. શોમાં તેના ડાયલોગ 'સહી પકડે હૈ' અને 'હાય દૈયા'ના લોકો દિવાના હતા. પરંતુ તેને મેકર્સ સાથે અણબનાવ થયો અને અચાનક તેણે શો છોડી દીધો. અહેવાલો અનુસાર, નિર્માતાઓ અને તેમની વચ્ચે ફીને લઈને દલીલ થઈ હતી.શિલ્પા શિંદેની શો મેકર્સ સાથે અણબનાવ હોવા છતાં, તેના બાકીના કો-સ્ટાર્સ સાથે સારા સંબંધો હતા. શોમાં વિભૂતિ નારાયણનું પાત્ર ભજવતા આસિફ શેખે પણ શિલ્પા શિંદે અને શોના અન્ય કો-સ્ટાર્સ સાથેના તેના સંબંધો વિશે વાત કરી હતી.
શિલ્પા શિંદેએ સુનીલ ગ્રોવર સાથે ક્રિકેટ કોમેડી શો દન દના દનમાં પણ કામ કર્યું છે. આ શો વર્ષ 2018માં આઈપીએલ દરમિયાન પ્રસારિત કરવામાં આવ્યો હતો. આ શોમાં ક્રિકેટના ઘણા મોટા ખેલાડીઓએ પણ ભાગ લીધો હતો.તમને જણાવી દઈએ કે શિલ્પાએ રાજકારણમાં પણ હાથ અજમાવ્યો છે. વર્ષ 2019 માં, તે લોકસભા ચૂંટણી દરમિયાન કોંગ્રેસની સભ્ય બની હતી. કોંગ્રેસનું સભ્યપદ કોંગ્રેસના પ્રદેશ અધ્યક્ષ સંજય નિરુપમ દ્વારા આપવામાં આવ્યું હતું.
