ન્યુઝ કન્ટિન્યુઝ બ્યુરો
મુંબઈ, 6 ડિસેમ્બર 2021
સોમવાર
‘સ્ટુડન્ટ ઑફ ધ યર થી ડેબ્યૂ કરનાર વરુણ ધવન આજે બોલિવૂડનો જાણીતો એક્ટર છે. હવે તેની પત્ની પણ ‘મૈં તેરા હીરો’, ‘કુલી નંબર 1’, ‘બદલાપુર’, ‘સ્ટ્રીટ ડાન્સર 3’, ‘દિલવાલે’, ‘બદ્રીનાથ કી દુલ્હનિયા’, ‘જુડવા 2’ જેવી ધમાકેદાર ફિલ્મો આપનાર વરુણ ધવન સાથે સ્પર્ધા કરવા ડેબ્યુ કરવા જઈ રહી છે.હા… એવા સમાચાર છે કે નતાશા દલાલ હવે અભિનય ક્ષેત્રે પગ મૂકવા જઈ રહી છે. ટૂંક સમયમાં તે OTT પર ડેબ્યૂ કરશે.
મીડિયા રિપોર્ટ્સ અનુસાર, નતાશા દલાલ OTT પર એક શોમાં કામ કરવા જઈ રહી છે, જેનું નામ ‘સે યસ ટુ ધ ડ્રેસ ઈન્ડિયા’ છે. આ શો ડિસ્કવરી પર બતાવવામાં આવશે. આ એક ડિઝાઇનિંગ આધારિત શો હોવાથી અને નતાશા દલાલ પણ ફેશન ડિઝાઇનર છે, તેથી જ નતાશા દલાલે આ માટે હા પાડી છે.
જો નતાશાનું માનીએ તો ડેબ્યૂ માટે આનાથી વધુ સારી તક શું હોઈ શકે . આ શોમાં નતાશા વેડિંગ આઉટફિટ્સ ડિઝાઇન કરતી જોવા મળશે. સાથે જ તેના વેડિંગ કલેક્શનની ઝલક પણ આ શોમાં જોવા મળશે. તમને જણાવી દઈએ કે નતાશા દલાલ જાણીતી ફેશન ડિઝાઈનર છે. નતાશાએ પોતે જ પોતાના લગ્નના પોશાક ડિઝાઇન કર્યા હતા.નતાશા દલાલ અને વરુણ ધવનના લગ્ન જાન્યુઆરી 2021માં થયા હતા. લગ્નને લઈને બહુ ઘોંઘાટ કર્યા વિના અલીબાગમાં સાદગીપૂર્ણ સમારોહનું આયોજન કરવામાં આવ્યું હતું. જેમાં પરિવારના ખાસ લોકો અને બોલિવૂડ સેલેબ્સને આમંત્રિત કરવામાં આવ્યા હતા.
સિદ્ધાર્થ શુક્લાને 2021માં સૌથી વધુ સર્ચ કરવામાં આવ્યો , જાણો આ યાદીમાં બીજું કોણ કોણ સામેલ છે
જોકે તેમ છતાં આ લગ્નને લઈને ઘણી ચર્ચાઓ થઈ હતી. નતાશા અને વરુણ ઘણા સમયથી એકબીજાને ઓળખે છે અને બંને ઘણા વર્ષોથી રિલેશનશિપમાં હતા. ઈન્ડસ્ટ્રીમાં પગ જમાવ્યા બાદ વરુણ ધવને નતાશાને પોતાની સાથી તરીકે પસંદ કરી.
