ન્યુઝ કન્ટિન્યુઝ બ્યુરો
મુંબઈ, 24 નવેમ્બર 2021
બુધવાર
બોલિવૂડ અભિનેત્રી અનુષ્કા શર્મા ટીમ ઈન્ડિયાના ટેસ્ટ કેપ્ટન વિરાટ કોહલી સાથે પારિવારિક જીવનનો આનંદ માણી રહી છે. કામમાંથી સમય મળે ત્યારે બંને તેમની પુત્રી વામિકા સાથે ક્વોલિટી ટાઈમ વિતાવે છે. પરંતુ વિરાટ કોહલી હાલમાં ન્યુઝીલેન્ડ સાથેની ટેસ્ટ શ્રેણી માટે મેદાનમાં પ્રેક્ટિસ કરી રહ્યો છે. મુંબઈના મેદાનમાં પ્રેક્ટિસ દરમિયાન ક્રિકેટર્સ બિલાડી સાથે મસ્તી કરતા પણ જોવા મળ્યા હતા.
ટીમ ઈન્ડિયાના ટેસ્ટ કેપ્ટને પોતાના ઈન્સ્ટાગ્રામ પર બે તસવીરો શેર કરી છે. જેમાં તે બિલાડીને ખોળામાં લઈને બેઠો છે. તેણે ફોટોને કેપ્શન આપ્યું, 'પ્રેક્ટિસ દરમિયાન એક શાનદાર બિલાડી દ્વારા હેલો.' આ તસવીર જોતા જ વાયરલ થઈ ગઈ હતી. આ તસવીર પર તેની પત્ની અનુષ્કાએ પણ કોમેન્ટ કરી હતી. જ્યારે વિરાટની પત્ની અનુષ્કા શર્માએ આ પોસ્ટ જોઈ તો તેણે પણ બિલાડીને 'હેલો' કહ્યું. મજાની વાત ત્યારે થઈ જ્યારે અનુષ્કાની આ કમેન્ટ પર વિરાટનો જવાબ આવ્યો. અનુષ્કાને ફની અને રોમેન્ટિક રીતે જવાબ આપતા વિરાટે લખ્યું, 'લૌંડો દિલ્હી નો છે અને બિલાડી મુંબઈની છે'. પછી શું હતું, પતિ-પત્નીની રોમેન્ટિક રીતે વાતચીત જોઈને ચાહકોને મજા આવવા લાગી. વિરાટની આ કમેન્ટ બાદ જ 3 હજારથી વધુ લોકોએ તેના જવાબમાં પોતાના દિલની વાત લખી છે.
વાસ્તવ માં, વિરાટ દિલ્હીનો છે અને અનુષ્કા મુંબઈની છે. આવી સ્થિતિમાં યુઝર્સ પણ વિરાટની આ ટિપ્પણી પર પ્રતિક્રિયા આપી રહ્યા છે. આ પહેલા પણ વિરાટે તેની પત્ની અભિનેત્રી અનુષ્કા શર્મા સાથે પોતાની એક ક્યૂટ તસવીર શેર કરી હતી, જેને લોકોએ ખૂબ પસંદ કરી હતી.
