News Continuous Bureau | Mumbai
વર્ષ 2022 ની (year 2022) અત્યાર સુધીની સુપરહિટ ફિલ્મ ‘ધ કાશ્મીર ફાઇલ્સ’ (The Kashmir files) જો તમે થિયેટરોમાં જોઈ શક્યા નથી, તો તમારા માટે સારા સમાચાર છે કે આ ફિલ્મ ટૂંક સમયમાં OTT પ્લેટફોર્મ પર આવવાની છે. નેવુંના દાયકામાં કાશ્મીર ખીણમાંથી કાશ્મીરી પંડિતોની (Kashmiri pandits) હિજરત વિશેની આ ભાવનાત્મક ફિલ્મનું વર્લ્ડ પ્રીમિયર OTT પ્લેટફોર્મ Zee5 પર થવાનું છે. આ ફિલ્મ હિન્દીની સાથે તમિલ, તેલુગુ અને કન્નડ ભાષાઓમાં સ્ટ્રીમ કરવામાં આવશે.
ફિલ્મના ડિજિટલ પ્રીમિયર પર, દિગ્દર્શક વિવેક રંજન અગ્નિહોત્રીએ (Vivek Agnihotri) કહ્યું- "ધ કાશ્મીર ફાઇલ્સ (The Kashmir files) માત્ર એક ફિલ્મ નથી, પરંતુ એક લાગણી અને એક ચળવળ છે. મને ખુશી છે કે આ થિયેટરમાં (theater) રિલીઝને વિશ્વભરમાં આટલો જબરજસ્ત પ્રતિસાદ મળ્યો છે અને હવે આ ફિલ્મ ભારતના સૌથી મોટા ઘરેલુ વિડિયો સ્ટ્રીમિંગ પ્લેટફોર્મ (video streaming platform) ZEE5 પર તેના વિશ્વ ડિજિટલ પ્રીમિયર સાથે વધુ લોકો સુધી પહોંચશે.ZEE5 ઇન્ડિયાના ચીફ બિઝનેસ ઓફિસર મનીષ કાલરાએ 'ધ કાશ્મીર ફાઇલ્સ'ના એક્સક્લુઝિવ પ્રીમિયર પર જણાવ્યું હતું કે, “ZEE5 તરીકે, અમે એક એવું પ્લેટફોર્મ બનાવી રહ્યા છીએ જે પ્રેક્ષકોને એટલું જ સશક્ત બનાવે છે જેટલું તે તેમનું મનોરંજન કરે છે. . ભારતીય પ્રેક્ષકો સાથે જોડાવા માટે અમે હંમેશા વાસ્તવિક, સંબંધિત વાર્તાઓની શોધમાં છીએ. કાશ્મીર ફાઇલ્સને પ્રેક્ષકો તરફથી અભૂતપૂર્વ પ્રતિસાદ મળ્યો છે અને અમે તેને ZEE5 પર લાવવામાં ખુશ છીએ, જે પછી હવે લાખો ભારતીયો આ ફિલ્મ જોઈ શકશે ."
આ સમાચાર પણ વાંચો : રણબીર-આલિયા બાદ શું હવે કરિશ્મા કપૂરના લગ્નની શહનાઈ વાગશે ? આ શુકને આપ્યો સંકેત
તમને જણાવી દઈએ કે, ધ કાશ્મીર ફાઇલ્સ (The Kashmir files) 11 માર્ચે થિયેટરોમાં રિલીઝ થઈ હતી અને ફિલ્મે બોક્સ ઓફિસ (box office) પર 250 કરોડથી વધુની કમાણી કરી હતી. આ ફિલ્મ તેના વિષયના કારણે સતત ચર્ચામાં રહી હતી અને તેને સોશિયલ મીડિયામાં (social media) પણ ઘણો સપોર્ટ મળ્યો હતો. કાશ્મીર ફાઇલ્સમાં મિથુન ચક્રવર્તી, અનુપમ ખેર, પલ્લવી જોશી, દર્શક કુમાર અને પુનીત ઇસાર જેવા કલાકારો મુખ્ય ભૂમિકામાં હતા.
