ન્યુઝ કન્ટિન્યુઝ બ્યુરો
મુંબઈ, 20 નવેમ્બર, 2021
શનિવાર
અભિષેક બચ્ચનની ફિલ્મ ‘બોબ બિશ્વાસ’નું ટ્રેલર લોન્ચ થઈ ગયું છે અને તે સોશિયલ મીડિયા પર સતત વાયરલ થઈ રહ્યું છે. જણાવી દઈએ કે ફિલ્મમાં અભિષેક કિલર અને ફેમિલી મેનનો રોલ કરી રહ્યો છે, આ ક્રાઈમ ડ્રામામાં અભિષેક બચ્ચન સાથે ચિત્રાંગદા સિંહ લીડ રોલમાં છે. બોબ બિસ્વાસમાં અભિનેતાનો લૂક ખરેખર મજબૂત લાગે છે.
અભિષેક બચ્ચને તેના ઇન્સ્ટાગ્રામ પર ફિલ્મનું ટ્રેલર શેર કર્યું અને લખ્યું – ‘ નોમોસ્કાર, મીટ બોબ’. આ ફિલ્મ દિવ્યા અનુપમા ઘોષ દ્વારા નિર્દેશિત કરવામાં આવી છે. તે સુજોય ઘોષ, ગૌરી ખાન, ગૌરવ વર્મા દ્વારા નિર્મિત છે. આ ફિલ્મ શાહરૂખ ખાનની પ્રોડક્શન કંપની રેડ ચિલીઝ એન્ટરટેઈનમેન્ટના બેનર હેઠળ બની છે, આ ફિલ્મ આ વર્ષે 3 ડિસેમ્બરે OTT પ્લેટફોર્મ Zee5 પર રિલીઝ થશે. ફિલ્મમાં અભિષેક બચ્ચન સાથે ચિત્રાગંદા સિંહ મુખ્ય ભૂમિકામાં છે.
46 વર્ષની ઉંમરે આ ટેકનિકથી જોડિયા બાળકોની માતા બની પ્રીતિ ઝિન્ટા, બાળકોના રાખ્યા આ નામ જાણો વિગત
તમને જણાવી દઈએ કે 2012માં વિદ્યા બાલનની ફિલ્મ કહાનીમાં બોબ બિસ્વાસ નામનો કોન્ટ્રાક્ટ કિલર હતો, આ રોલ ફિલ્મમાં શાશ્વત ચેટર્જીએ કર્યો હતો. જો કે તેનો રોલ નાનો હતો પરંતુ તેને ખૂબ પસંદ કરવામાં આવ્યો હતો. આ રોલને સ્પિન-ઓફ કરવાની માંગ ઘણા સમયથી થઈ રહી હતી, ત્યારબાદ આ પાત્ર એટલે કે બોબ બિશ્વાસ પર એક ફિલ્મ બનાવવામાં આવી હતી.
