News Continuous Bureau | Mumbai
ભોજપુરી ઇન્ડસ્ટ્રીની પ્રખ્યાત અભિનેત્રી તેના અંગત જીવન ને કારણે ચર્ચામાં આવી છે. અભિનેત્રીના અંગત જીવનમાં વાવાઝોડું આવ્યું છે. અભિનેત્રીએ આરોપ લગાવ્યો છે કે અભિનેતા મની મેરાજ તેનો પતિ છે. લગ્ન પછી તેણે છેતરપિંડી કરી અને પછી સંસાર અધૂરો છોડીને ભાગી ગયો, તેવા આરોપો અભિનેત્રીએ લગાવ્યા છે.
વન્નુ ધ ગ્રેટે પોતાની વ્યથા વ્યક્ત કરી
વન્નુ ધ ગ્રેટે ઇન્સ્ટાગ્રામ પર વિડીયો શેર કરીને પોતાની વ્યથા જણાવી. અભિનેત્રીએ દાવો કર્યો છે કે, “મની મેરાજ સાથે મારા લગ્ન થયા હતા, પરંતુ હવે તે ઇનકાર કરી રહ્યો છે.” અભિનેત્રીએ વિડીયો શેર કરતા કહ્યું, “મની પાછો મારા જીવનમાં આવ. મારે તારા માતા-પિતાને પણ કહેવું છે કે અમે હવે પતિ-પત્ની છીએ.” અભિનેત્રીએ જણાવ્યું કે, “મેં લગ્નની વાત છુપાવી હતી. લોકો કહેતા હતા કે, આ જિહાદી છે. બીજા ધર્મનો છે. આ સાચો માણસ નથી. એક દિવસમાં છોડી દેશે. પણ મેં કોઈનું પણ સાંભળ્યું નહીં. મને બિલકુલ નથી લાગતું કે બીજા ધર્મનો હોવાથી તે મને છોડી દેશે.”
આ સમાચાર પણ વાંચો : Venus Transit: શુક્ર ગોચર 2025 ઓક્ટોબરમાં ધનદાતા શુક્ર 4 વાર બદલશે રાશિ; ‘આ’ રાશિઓ થશે માલામાલ
કોણ છે મની મેરાજ?
મની મેરાજે ઇન્સ્ટાગ્રામ રીલ્સથી તેની કારકિર્દીની શરૂઆત કરી હતી. ત્યારબાદ મની મેરાજે યુટ્યુબ પર વિડીયો બનાવવાનું શરૂ કર્યું. આ પછી મનીને ભોજપુરી ઇન્ડસ્ટ્રીમાં કામ કરવાની તક મળી. મની મેરાજ હાલમાં તેના અભિનય અને ગીતોથી ધૂમ મચાવી રહ્યો છે. એક સમયે તે ચિકન વેચીને પોતાનું ગુજરાન ચલાવતો હતો. જોકે, ભોજપુરી સિનેમાએ મનીનું જીવન બદલી નાખ્યું.
