News Continuous Bureau | Mumbai
Aditya Dhar Instagram Post| Text બ્લોકબસ્ટર ફિલ્મ ‘ધુરંધર’ અને ‘ધુરંધર 2’ ના ડિરેક્ટર આદિત્ય ધર હાલમાં પોતાની ફિલ્મોની સફળતાને લઈને સતત ચર્ચામાં છે. આદિત્યએ પોતાના ઇન્સ્ટાગ્રામ પર ફિલ્મના સેટ પરથી કેટલીક તસવીરો શેર કરી છે, જેમાં તેણે પત્ની યામી ગૌતમના ભાઈ અને પોતાના સાળા ઓજસ ગૌતમને જન્મદિવસની શુભેચ્છા પાઠવી છે. આ સાથે જ તેણે ફિલ્મમાં ઓજસના શાનદાર અભિનયના વખાણ કરીને તેને ભવિષ્યનો ‘લીજેન્ડ’ ગણાવ્યો છે.
આદિત્ય ધરે સાળા પર વરસાવ્યો પ્રેમ
આદિત્ય ધરે ઓજસ સાથેની તસવીરો શેર કરતા લખ્યું કે, ‘તે છોકરાના નામે જે આગળ જઈને એક લીજેન્ડ બનવાનો છે. ઓજસ, જન્મદિવસ મુબારક! તને હંમેશા પ્રેમ, નસીબ અને ખુશીઓ મળતા રહે. હંમેશા આવી જ રીતે ચમકતો રહે! તું ખરેખર ખૂબ જ ખાસ છે.’ આ પોસ્ટ સોશિયલ મીડિયા પર આવતા જ રણવીર સિંહ, અર્જુન રામપાલ અને ગૌરવ ગેરા જેવા કલાકારોએ પણ ઓજસને અભિનંદન પાઠવ્યા હતા.
યામી ગૌતમે પણ ભાઈને પાઠવી શુભેચ્છા
માત્ર આદિત્ય જ નહીં, પરંતુ અભિનેત્રી યામી ગૌતમે પણ પોતાના ભાઈ ઓજસ માટે એક ખાસ પોસ્ટ શેર કરી છે. તેણે લખ્યું કે, ‘ગૌતમ પરિવારના સૌથી ચમકતા સભ્યને જન્મદિવસ મુબારક. ભગવાન કરે તને હંમેશા સમજદારી, ટેલેન્ટ અને દયાના આશીર્વાદ મળતા રહે. મારા નાના વહાલા ભાઈ, તું હંમેશા આવો જ રહે.’ યામીની આ પોસ્ટ પર પણ ‘ધુરંધર’ની ટીમે ઘણો પ્રેમ વરસાવ્યો છે.
બોક્સ ઓફિસ પર ‘ધુરંધર’ નો દબદબો
ઉલ્લેખનીય છે કે ‘ધુરંધર’ 5 ડિસેમ્બર 2025 ના રોજ સિનેમાઘરોમાં રિલીઝ થઈ હતી, જેણે કમાણીના ઘણા રેકોર્ડ તોડ્યા હતા. ત્યારબાદ 19 માર્ચ 2026 ના રોજ તેનો બીજો ભાગ ‘ધુરંધર: ધ રિવવેન્જ’ રિલીઝ થયો, જે પણ બોક્સ ઓફિસ પર બ્લોકબસ્ટર સાબિત થયો છે. આદિત્ય ધરની આ ફિલ્મમાં રણવીર સિંહ, સંજય દત્ત, અક્ષય ખન્ના અને આર. માધવન જેવા દિગ્ગજ કલાકારો છે. આ ફિલ્મમાં ઓજસ ગૌતમના કામની પણ લોકો અને ક્રિટીક્સ દ્વારા પ્રશંસા કરવામાં આવી રહી છે.
👉 આ સમાચાર વાચો:
Gaurav Gera Dhurandhar Movie| ‘ડાર્લિંગ ડાર્લિંગ દિલ ક્યું તોડા’, કેવી રીતે બન્યો ધુરંધરનો લોકપ્રિય ડાયલોગ? ગૌરવ ગેરાએ કર્યો ખુલાસો
