ન્યુઝ કન્ટિન્યુઝ બ્યુરો
મુંબઈ, 22 ડિસેમ્બર 2021
બુધવાર
પનામા પેપર્સ લીક કેસમાં બોલિવૂડના મેગાસ્ટાર અમિતાભ બચ્ચનના પરિવારની મુસીબતો વધી રહી છે. આ કેસમાં અમિતાભ બચ્ચનની પુત્રવધૂ અને અભિનેત્રી ઐશ્વર્યા રાય બચ્ચનને ED દ્વારા પૂછપરછ માટે સમન્સ મોકલવામાં આવ્યા હતા. પનામા પેપર્સ લીક વિવાદ કેસમાં સોમવારે ઐશ્વર્યા રાય બચ્ચન ED સમક્ષ હાજર થઈ હતી.દિલ્હીમાં તપાસ એજન્સી દ્વારા ઐશ્વર્યા રાયનું નિવેદન નોંધવામાં આવ્યું હતું. ઐશ્વર્યા રાય પર ફોરેન એક્સચેન્જ મેનેજમેન્ટ એક્ટ (FEMA)નું ઉલ્લંઘન કરીને વિદેશમાં પૈસા જમા કરાવવાનો આરોપ છે. EDએ ઐશ્વર્યા રાયની લગભગ સાડા પાંચ કલાક સુધી પૂછપરછ કરી હતી. હવે જ્યારે ઐશ્વર્યા રાય આ મુદ્દે ચર્ચામાં રહે છે, ત્યારે ચાહકો પણ જાણવા માંગે છે કે તેની પાસે અત્યારે કયા પ્રોજેક્ટ છે. તમને જણાવી દઈએ કે વર્ષ 2022માં ઐશ્વર્યા રાય પાસે ઘણા પ્રોજેક્ટ છે.આવો જાણીએ તે પ્રોજેક્ટ વિશે
પોનીયિન સેલવન – ઐશ્વર્યા રાય બચ્ચન અને રાવણના દિગ્દર્શક મણિરત્નમ ફરી એકવાર ડ્રામા ફિલ્મ લાવવા માટે તૈયાર છે. આ ફિલ્મનું નામ છે પોનીયિન સેલવન, આ સાથે ઐશ્વર્યા ફરીથી કમબેક કરવા જઈ રહી છે. આ ફિલ્મ બે ભાગમાં બની રહી છે. પ્રથમ ભાગનું શીર્ષક PS1 છે. આ ફિલ્મનું શૂટિંગ સપ્ટેમ્બરમાં પૂર્ણ થઈ ગયું છે.
સુજોય ઘોષની અપકમિંગ ફિલ્મઃ સુજોય ઘોષની આગામી ફિલ્મમાં ઐશ્વર્યા રાય બચ્ચન જોવા મળી રહી છે.આ ફિલ્મમાં ઐશ્વર્યા સાથે સૈફ અલી ખાન મુખ્ય ભૂમિકા માં જોવા મળશે.આટલું જ નહીં નવાઝુદ્દીન સિદ્દીકી પણ આ ફિલ્મમાં મહત્વની ભૂમિકામાં હશે.
ઈન્ડો-અમેરિકન પ્રોજેક્ટઃ ઐશ્વર્યા રાય બચ્ચન રવીન્દ્રનાથ ટાગોરના પુસ્તક થ્રી વુમન પર આધારિત ઈન્ડો-અમેરિકન પ્રોજેક્ટનો ભાગ બનવા માટે તૈયાર છે. થિયેટર રાઈટર અને ફ્યુઝન સિંગર ઈશિતા ગાંગુલી આ ફિલ્મથી ડિરેક્શનમાં ડેબ્યૂ કરવા જઈ રહી છે. ઈશિતાએ કન્ફર્મ કર્યું છે કે ઐશ્વર્યા તેની ફિલ્મમાં મહત્વના રોલમાં જોવા મળશે.
ગુલાબ જામુનઃ ઐશ્વર્યા રાય તેના પતિ અભિષેક બચ્ચન સાથે ફિલ્મ ગુલાબ જામુનમાં જોવા મળી શકે છે. આ ફિલ્મની જાહેરાત 2019 માં જ કરવામાં આવી હતી. અનુરાગ કશ્યપ ફિલ્મનું નિર્દેશન કરી રહ્યા છે. મીડિયા રિપોર્ટ્સ અનુસાર આ ફિલ્મ 2022માં રિલીઝ થશે.
વો કૌન થી રીમેકઃ ઐશ્વર્યા રાય બચ્ચનને વો કૌન થી રીમેક માટે સાઈન કરવામાં આવી છે. આ ફિલ્મમાં ઐશ્વર્યા સાધનાના રોલમાં જોવા મળશે તેવી સત્તાવાર જાહેરાત કરવામાં આવી છે. મીડિયા રિપોર્ટ્સ અનુસાર, શાહિદ કપૂર આ ફિલ્મમાં મેલ એક્ટર તરીકે જોવા મળશે.
રાત ઔર દિન રિમેકઃ વો કૌન થી રિમેક પછી ઐશ્વર્યા રાય બચ્ચન 1967માં આવેલી ફિલ્મ રાત ઔર દિન રિમેકમાં જોવા મળી હતી. આ ફિલ્મ માટે નરગીસ દત્તને નેશનલ એવોર્ડ મળ્યો હતો.
કંગના રનૌતની ફિલ્મ 'ધાકડ'ની રિલીઝ ડેટ થઈ પોસ્ટપોન , હવે આ દિવસે આવશે ફિલ્મ; જાણો વિગત
