News Continuous Bureau | Mumbai
Akshay Kumar TV Comeback: બોલિવૂડ એક્ટર અક્ષય કુમાર તેની શાનદાર એક્ટિંગ અને અલગ અંદાજ માટે જાણીતો છે. હવે અક્ષય કુમાર વર્ષો પછી ટેલિવિઝન પર હોસ્ટ તરીકે પરત ફરી રહ્યો છે. તે સોની એન્ટરટેઈનમેન્ટ ટેલિવિઝનના નવા ગેમ શો ‘વ્હીલ ઓફ ફોર્ચ્યુન ઇન્ડિયા’ (Wheel Of Fortune India) ને હોસ્ટ કરશે. હાલમાં જ આ શોનો પ્રોમો વીડિયો રિલીઝ કરવામાં આવ્યો છે, જેમાં અક્ષય તેના જૂના અંદાજમાં જોવા મળી રહ્યો છે.
આ સમાચાર પણ વાંચો : Bachchan Family Education: અમિતાભ કે ઐશ્વર્યા નહીં બચ્ચન પરિવાર ના આ સભ્ય ની શૈક્ષણિક લાયકાત છે સૌથી વધુ
27 જાન્યુઆરીથી શરૂ થશે મનોરંજનનો ડોઝ
આ શો પ્રખ્યાત અમેરિકન ગેમ શો ‘વ્હીલ ઓફ ફોર્ચ્યુન’ પરથી પ્રેરિત છે. પ્રોમો વીડિયોમાં અક્ષય કુમાર સ્પર્ધકો સાથે ગેમ રમતો અને પઝલ ઉકેલવા માટે પ્રોત્સાહિત કરતો દેખાય છે. આ શો મનોરંજન અને રોમાંચથી ભરપૂર હોવાનું જણાઈ રહ્યું છે.આ શોની રિલીઝ ડેટ પણ જાહેર કરી દેવામાં આવી છે. ‘વ્હીલ ઓફ ફોર્ચ્યુન ઇન્ડિયા’ 27 જાન્યુઆરી, 2026 થી સોમવાર થી શુક્રવાર રાત્રે 9 વાગ્યે સોની ટીવી પર પ્રસારિત થશે. આ સિવાય દર્શકો આ શોને OTT પ્લેટફોર્મ સોની લિવ (Sony LIV) અને ઓટીટી પ્લે પ્રીમિયમ પર પણ જોઈ શકશે.
અક્ષય કુમાર અગાઉ ‘ફિયર ફેક્ટર: ખતરોં કે ખિલાડી સીઝન 1’ અને ‘માસ્ટરશેફ ઇન્ડિયા સીઝન 1’ જેવા હિટ શો હોસ્ટ કરી ચૂક્યો છે. લાંબા સમય પછી તેને હોસ્ટના રોલમાં જોવા માટે ફેન્સ ખૂબ જ ઉત્સાહિત છે. આ ગેમ શોમાં સ્પર્ધકો એક મોટું વ્હીલ ફેરવીને પઝલ ઉકેલે છે અને તે દ્વારા મોટી ઇનામી રકમ જીતવાની તક મેળવે છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
