News Continuous Bureau | Mumbai
Akshaye Khanna: અક્ષય ખન્ના અત્યારે પોતાની કારકિર્દીના શ્રેષ્ઠ તબક્કામાંથી પસાર થઈ રહ્યો છે, પરંતુ તેની આગામી ફિલ્મોને લઈને વિવાદો શરૂ થયા છે. અગાઉ એવા અહેવાલ હતા કે કેટલીક શરતોને કારણે અક્ષય ‘દ્રશ્યમ 3’ માં જોવા નહીં મળે. હવે સમાચાર છે કે તે તેની આઈકોનિક ફિલ્મ ‘રેસ’ (Race) ના ચોથા ભાગનો પણ હિસ્સો નહીં હોય. અગાઉ એવી અટકળો હતી કે ઓરિજિનલ જોડી સૈફ અલી ખાન અને અક્ષય ખન્ના ફરી સાથે જોવા મળશે, પરંતુ નિર્માતાઓએ આ વાતને નકારી કાઢી છે.નિર્માતા રમેશ તૌરાનીએ સ્પષ્ટ કર્યું છે કે ‘રેસ 4’ માં અક્ષય ખન્નાને પાછો લાવવાની કોઈ શક્યતા નથી. તેમણે જણાવ્યું કે પહેલી ફિલ્મમાં જ તેના પાત્રનો અંત આવી ગયો હતો, તેથી વાર્તામાં તેને ફરીથી લાવવાની કોઈ સ્પેસ નથી.
આ સમાચાર પણ વાંચો : Dhurandhar 2 Trailer Update: ‘ધુરંધર 2’ ના ટ્રેલરનું કાઉન્ટડાઉન શરૂ; અક્ષય ખન્નાની એન્ટ્રી અને ફિલ્મની રિલીઝ ડેટ વિશે જાણો બધું જ અહીં
‘રેસ 4’ ની સ્ટાર કાસ્ટ પર સસ્પેન્સ
જ્યારે રમેશ તૌરાનીને પૂછવામાં આવ્યું કે શું સિદ્ધાર્થ મલ્હોત્રા અને સૈફ અલી ખાનના નામ ફાઈનલ થઈ ગયા છે, તો તેમણે આ વાતનો પણ ઈનકાર કર્યો હતો. તેમણે જણાવ્યું કે હાલમાં સ્ક્રિપ્ટ પર કામ ચાલી રહ્યું છે અને કોઈ પણ કલાકારને હજુ સુધી સાઈન કરવામાં આવ્યા નથી. ‘રેસ’ ફ્રેન્ચાઈઝીમાં અત્યાર સુધી જોન અબ્રાહમ અને સલમાન ખાન જેવા મોટા સ્ટાર્સ જોવા મળ્યા છે, તેથી ચોથા ભાગની કાસ્ટ પર સૌની નજર છે.
અક્ષય ખન્નાના કામની વાત કરીએ તો, ‘ધુરંધર’ માં તેણે ભજવેલા વિલન ‘રહેમાન ડકૈત’ ના પાત્રની ભારોભાર પ્રશંસા થઈ રહી છે. ફિલ્મમાં તેના ડાન્સ મૂવ્સ અત્યારે ઇન્સ્ટાગ્રામ રીલ્સ પર ટ્રેન્ડ કરી રહ્યા છે. આ જ કારણ છે કે ‘દ્રશ્યમ 3’ અને ‘રેસ 4’ જેવી ફિલ્મોમાંથી તે બહાર થતા ફેન્સમાં નારાજગી જોવા મળી રહી છે. કેટલાક લોકો તેને એક્ટરનું વધતું સ્ટારડમ અને નખરાં ગણાવી રહ્યા છે, તો કેટલાક તેને સ્ક્રિપ્ટની માંગ ગણાવી રહ્યા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
