News Continuous Bureau | Mumbai
Alia Bhat Enters Tumbbad 2 બોલિવૂડની ટોપ અને ટેલેન્ટેડ અભિનેત્રી આલિયા ભટ્ટના (Alia Bhatt) ચાહકો માટે એક ખુબ જ મોટા અને રોમાંચક સમાચાર સામે આવ્યા છે. સોહમ શાહની પંથક્લાસિક અને સુપરહિટ હોરરથ્રિલર ફિલ્મ ‘તુમ્બાડ’ ના બીજા ભાગ એટલે કે ‘તુમ્બાડ ૨’ માં (Tumbbad 2) હવે આલિયા ભટ્ટની સત્તાવાર એન્ટ્રી થઈ ચૂકી છે. ફિલ્મના મુખ્ય અભિનેતા અને નિર્માતા સોહમ શાહે સોશિયલ મીડિયા પર આલિયા ભટ્ટ સાથેની તસવીરો શેર કરીને આ મેગા અનાઉન્સમેન્ટ કરી છે.
Alia Bhat Enters Tumbbad 2 – કરિયરની પહેલી હોરર ફિલ્મ માટે આલિયાએ પસંદ કરી ‘તુમ્બાડ’ ફ્રેન્ચાઇઝી
સોહમ શાહે ઇન્સ્ટાગ્રામ પર આલિયા સાથેની તસવીરો શેર કરતા લખ્યું, “એક નવા પ્રકરણની શરૂઆત. ‘તુમ્બાડ ૨’ માં તમારું હાર્દિક સ્વાગત છે આલિયા ભટ્ટ. પ્રલય આવશે ૩ ડિસેમ્બર ૨૦૨૭ના રોજ.” તાજેતરમાં જ સ્પાય એક્શન ફિલ્મ ‘અલ્ફા’ માં શાનદાર એક્શન કરતી જોવા મળેલી આલિયા ભટ્ટના કરિયરની આ પહેલી જ હોરર-થ્રિલર (Horror Thriller) ફિલ્મ હશે. આ સીક્વલને લઈને સોશિયલ મીડિયા પર મિક્સ રિસ્પોન્સ મળી રહ્યો છે, જેમાં કેટલાક ફેન્સ આલિયાના જોડાવાથી ઉત્સાહિત છે, તો કેટલાક દર્શકો સોહમ શાહને ઓરિજિનલ ફિલ્મની વાર્તાની ગુણવત્તા સાથે સમાધાન ન કરવા વિનંતી કરી રહ્યા છે.
Alia Bhat Enters Tumbbad 2 – નવાઝુદ્દીન સિદ્દીકી પણ ફિલ્મનો મહત્વનો હિસ્સો, સોહમ અને નવાઝ સાથે કામ કરવા આલિયા આતુર
અત્રે ઉલ્લેખનીય છે કે, આલિયા ભટ્ટ પહેલા સોહમ શાહે આ ફિલ્મમાં બોલિવૂડના દિગ્ગજ અભિનેતા નવાઝુદ્દીન સિદ્દીકીને (Nawazuddin Siddiqui) પણ સામેલ કર્યો હતો. ફિલ્મનો હિસ્સો બનવા અંગે ખુશી વ્યક્ત કરતા આલિયા ભટ્ટે પોતાના સત્તાવાર નિવેદનમાં જણાવ્યું કે, “જ્યારે મેં પહેલીવાર ‘તુમ્બાડ’ જોઈ હતી, ત્યારથી જ આ ફિલ્મ મારા દિલની નજીક રહી છે. આવી અનોખી અને કાલ્પનિક દુનિયાનો હિસ્સો બનવું મારા માટે ખુબ જ ખાસ છે. હું સોહમ શાહ અને નવાઝુદ્દીન સિદ્દીકી જેવા શાનદાર કલાકારો સાથે કામ કરવા માટે અત્યંત એક્સાઇટેડ છું.”
Alia Bhat Enters Tumbbad 2 – ૧૦૦ કરોડના તોતિંગ બજેટ સાથે મુંબઈમાં ૮ એકરનો ભવ્ય સેટ તૈયાર
અહેવાલ અનુસાર, ‘તુમ્બાડ ૨’ ને વૈશ્વિક સ્તરે અને અતિ ભવ્ય સ્કેલ પર બનાવવામાં આવી રહી છે. મુંબઈમાં આ ફિલ્મ માટે ખાસ ૭ થી ૮ એકરનો વિશાળ સેટ (Grand Set) તૈયાર કરવામાં આવ્યો છે. ફિલ્મનું અંદાજિત બજેટ ૧૦૦ કરોડ (100 Crore Budget) હોવાનું કહેવાય છે, જેની સાથે જ આ ફિલ્મ ભારતીય સિનેમાના ઇતિહાસની અત્યાર સુધીની સૌથી મોંઘી હોરર ફિલ્મ બની ગઈ છે. આ હાઈ-બજેટ હોરર વિઝ્યુઅલ ડ્રામા ફિલ્મ વર્ષ ૨૦૨૭ ના અંતમાં સિનેમાઘરોમાં ધૂમ મચાવશે.
👉 આ સમાચાર વાચો:
Today’s Horoscope : આજનો દિવસ:૧૫ જુલાઈ ૨૦૨૬, બુધવાર, જાણો આપનું રાશિફળ
