News Continuous Bureau | Mumbai
બી-ટાઉનનું ફેવરિટ કપલ આલિયા-રણબીરના લગ્નRanbir Alia wedding)આ દિવસોમાં ચર્ચામાં છે. બંનેના લગ્નની વિધિઓ શરૂ થઈ ગઈ છે. ગઈકાલે મહેંદી સેરેમનીનો કાર્યક્રમ રાખવામાં આવ્યો હતો જેમાં અનેક હસ્તીઓએ ભાગ લીધો હતો.જ્યાં બોલિવૂડ ઈન્ડસ્ટ્રીમાં કપૂર પરિવારનું નામ છે, ત્યાં ભટ્ટ પરિવારનો પણ દબદબો કઈ ઓછો નથી. આલિયાના પિતા મહેશ ભટ્ટ(Mahesh Bhatt) નું નામ મોટા નિર્માતા અને નિર્દેશકોની યાદીમાં સામેલ છે. એટલું જ નહીં આલિયાના દાદા નાનાભાઈ ભટ્ટે પણ ઈન્ડસ્ટ્રીમાં ઘણું નામ કમાવ્યું હતું. 1937માં તેમણે સ્ક્રિપ્ટ રાઈટર (Script writer) તરીકે બોલિવૂડમાં પગ મૂક્યો હતો. તેમણે હિન્દી અને ગુજરાતી બંને મળીને લગભગ 100 ફિલ્મો બનાવી હતી.
બોલિવૂડમાં (Bollywood) ડબલ રોલનો કોન્સેપ્ટ નાનાભાઈ ભટ્ટે ઇન્ટ્રોડ્યૂસ કર્યો હતો. તેમણે 1942માં ફિલ્મ મુકાબલા થી ડેબ્યૂ કર્યું હતું. ત્યારે આ કોન્સેપ્ટ એકદમ નવો અને અલગ હતો જે બધાને ગમ્યો. તે પછી જે હતું તેનો ઉપયોગ થવા લાગ્યો. નાનાભાઈએ 1940ના દાયકામાં સાઉન્ડ રેકોર્ડિસ્ટમાંથી દિગ્દર્શનની (Directer) દુનિયામાં પગ મૂક્યો હતો. 1946માં તેમણે 'દીપક પિક્ચર્સ'નો પાયો નાખ્યો. નાનાભાઈના લગ્ન હેમલતા નામની મહિલા સાથે થયા હતા, જેનો પુત્ર ફિલ્મ લેખક રોબિન ભટ્ટ છે. નાનાભાઈનું નામ અભિનેત્રી શિરીન મોહમ્મદ અલી સાથે પણ જોડાયેલું હતું.
બાદમાં નાનાભાઈ અને શિરીનને લગ્ન(nanabhai-Shirin wedding) વિના બે બાળકો મહેશ ભટ્ટ અને મુકેશ ભટ્ટ (mahesh Bhatt- Mukesh Bhatt) થયા. શિરીન-નાનાભાઈના સંબંધોને પ્રથમ પત્ની હેમલતા અને તેમના પરિવારે માન્યતા આપી ન હતી, તેથી નાનાભાઈ ભટ્ટને બે કુટુંબ, બે ઘર હતા. આ પછી મુકેશ ભટ્ટે(Mukesh Bhatt) 1989માં બોલિવૂડમાં પગ મૂક્યો અને બહુ ઓછા સમયમાં ફિલ્મ પ્રોડ્યુસર તરીકે પોતાની ઓળખ બનાવી.મુકેશ ભટ્ટની પહેલી ફિલ્મ 'જુર્મ' હતી જે 1990માં રિલીઝ થઈ હતી. મુકેશ ભટ્ટે બોલિવૂડને અત્યાર સુધીમાં 52 થી વધુ ફિલ્મો આપી છે. આશિકી, બેગમજાન, લવ ગેમ્સ, રાઝ 3 જેવી શ્રેષ્ઠ ફિલ્મો તેના ખાતામાં ચઢી ગઈ છે.
આ સમાચાર પણ વાંચો : આ અભિનેત્રી ની પીઆર ટીમ ને માનવું પડશે, ફિલ્મ નું શૂટિંગ પૂરું થઇ ગયા પછી લાઈમલાઈટમાં આવવા કાસ્ટિંગના સમાચાર વહેતા કર્યા; જાણો વિગત
મુકેશ ભટ્ટ અને મહેશ ભટ્ટ (Mahesh Bhatt-Mukesh Bhatt) બંને ફિલ્મી દુનિયાના મોટા નામ છે. મહેશ ભટ્ટ એક ભારતીય ફિલ્મ નિર્દેશક, નિર્માતા અને પટકથા લેખક છે. તેમણે અર્થ, સારાંશ, જાનમ, નામ, સડક, જખમ, જનમ,રાઝ , મર્ડર, રોગ, ઝહર, કલિયુગ, ગેંગસ્ટર, વો લમ્હે, તુમ મિલે, જિસ્મ 2, મર્ડર 3 જેવી બ્લોકબસ્ટર ફિલ્મો આપી છે.મહેશ ભટ્ટે કિરણ ભટ્ટ (લોરેન બ્રાઈટ) સાથે લગ્ન કર્યા. તેમને બે બાળકો છે – પૂજા ભટ્ટ અને રાહુલ ભટ્ટ. (Pooja Bhatt- Rahul Bhatt)કરિયરની શરૂઆતની મુશ્કેલીઓ અને પરવીન બાબી સાથેના અફેરને કારણે આ લગ્ન લાંબો સમય ટકી શક્યા નહીં.બાદમાં મહેશ ભટ્ટ અભિનેત્રી સોની રાઝદાનના(Soni Razdaan) પ્રેમમાં પડ્યા અને તેની સાથે લગ્ન કર્યા. તેમને બે બાળકો પણ છે – શાહીન ભટ્ટ અને આલિયા ભટ્ટ.(Shahsin Bhatt- Alia Bhatt)
