News Continuous Bureau | Mumbai
Alia Bhatt Alpha Character Details Out। બોલિવૂડની લેડી સુપરસ્ટાર આલિયા ભટ્ટ ની આગામી મોસ્ટ અવેટેડ ફિલ્મ ‘આલ્ફા’ (Alpha) ને લઈને સિનેમા જગતમાં ભારે ઉત્સુકતા જોવા મળી રહી છે. ફિલ્મ ‘જીગરા’ ની રિલીઝ બાદ આલિયા લાંબા સમયથી મોટા પડદા પરથી ગાયબ છે અને આશરે બે વર્ષ પછી તે યશરાજ ફિલ્મ્સ (YRF) ના પ્રખ્યાત સ્પાય યુનિવર્સની આ આગામી કડીથી થિયેટરોમાં ધમાકેદાર વાપસી કરશે. આ દરમિયાન ફિલ્મમાં તેના પાત્રને લઈને એક અત્યંત ચોંકાવનારો અને મોટો ખુલાસો સામે આવ્યો છે. અહેવાલો અનુસાર, આ ફિલ્મમાં આલિયા ભટ્ટ શરૂઆતથી જ કોઈ સરકારી જાસૂસ કે સિક્રેટ એજન્ટની ભૂમિકામાં નજરે નહીં પડે.
ખલનાયકના ઈશારે કામ કરતી છોકરીનો રોલ
‘એક થા ટાઈગર’, ‘પઠાન’ અને ‘વોર’ જેવી બ્લોકબસ્ટર ફિલ્મોની જેમ ‘આલ્ફા’ પણ યશરાજ ફિલ્મ્સના સ્પાય યુનિવર્સનો એક મહત્વનો ભાગ છે. ગયા વર્ષે પ્રદર્શિત થયેલી ફિલ્મ ‘વોર ૨’ માં પણ ‘આલ્ફા’ ના શૂટિંગની અને પાત્રની એક નાનકડી ઝલક જોવા મળી હતી. ફિલ્મી ગલિયારાના લેટેસ્ટ અહેવાલો મુજબ, આલિયા ભટ્ટ આ ફિલ્મમાં શરૂઆતથી જ કોઈ દેશભક્ત જાસૂસ નથી. તે એક એવી અનાથ છોકરીની ભૂમિકા ભજવી રહી છે, જેને ફિલ્મમાં મુખ્ય વિલન (ખલનાયક) દ્વારા ઉછેરીને મોટી કરવામાં આવી છે, જેથી તે મોટી થઈને તેના ઈશારે ખતરનાક અને ગેરકાયદેસર કામોને અંજામ આપી શકે. આ કારણે ફિલ્મની શરૂઆતમાં તે નકારાત્મક અથવા ગ્રે શેડ ધરાવતા રોલમાં દેખાશે.
સમય સાથે આલિયાના પાત્રમાં આવશે બદલાવ;
ફિલ્મ ‘આલ્ફા’ ની વાર્તા જેમ-જેમ આગળ વધશે, તેમ-જેમ આલિયા ભટ્ટના પાત્રમાં મોટો વળાંક આવશે અને તે વિલનની ચુંગાલમાંથી બહાર નીકળીને હીરોઈન બનશે. આ ફિલ્મમાં આલિયાની સાથે બીજી લોકપ્રિય અભિનેત્રી શર્વરી વાઘ (Sharvari Wagh) પણ લીડ રોલમાં જોવા મળશે. રસપ્રદ વાત એ છે કે, શર્વરી વાઘ આ ફિલ્મમાં શરૂઆતથી જ એક ટ્રેન્ડ ભારતીય જાસૂસની (Spy Agent) મુખ્ય ભૂમિકા ભજવી રહી છે. આલિયા અને શર્વરી બંને આ ફિલ્મમાં અત્યાર સુધીનું સૌથી ભયાનક ફિઝિકલ એક્શન કરતી જોવા મળશે, જેના માટે બંનેએ ખાસ માર્શલ આર્ટ્સની ટ્રેનિંગ લીધી છે.
બોબી દેઓલ મુખ્ય વિલન અને અનિલ કપૂર પણ ખાસ રોલમાં
ડાયરેક્ટર શિવ રવૈલના નિર્દેશનમાં બની રહેલી આ હાઇ-બજેટ સ્પાય થ્રિલર ફિલ્મમાં ફિલ્મ ‘એનિમલ’ ફેમ સુપરસ્ટાર બોબી દેઓલ (Bobby Deol) મુખ્ય ખલનાયકની ભૂમિકામાં જોવા મળશે, જે આલિયાના પાત્રને પોતાના સ્વાર્થ માટે ઓપરેટ કરતો હોય છે. આ સિવાય મિસ્ટર ઈન્ડિયા ગણાતા અનિલ કપૂર પણ આ ફિલ્મમાં રો (RAW) ના ચીફ તરીકે એક અગત્યની કડી તરીકે જોવા મળશે. હાલમાં જ આલિયા ભટ્ટ કોમેડિયન સમય રૈનાના પ્રખ્યાત શો ‘ઈન્ડિયાઝ ગોટ લેટેન્ટ ૨’ માં આ ફિલ્મનું પ્રમોશન કરવા પહોંચી હોવાની અફવાઓને કારણે ટ્રોલ પણ થઈ હતી. યશરાજ સ્પાય યુનિવર્સની આ આગામી શાનદાર કિસ્સ આગામી ૧૦ જુલાઈ ૨૦૨૬ ના રોજ વિશ્વભરના સિનેમાઘરોમાં રિલીઝ થવા માટે સજ્જ છે.
👉 આ સમાચાર વાચો:
Bobby Deol Movie। આલિયા અને રણબીર કપૂર અંગે બોબી દેઓલનો મોટો ખુલાસો ફિલ્મ ‘આલ્ફા’ ના મુશ્કેલ શૂટિંગના અનુભવો કર્યા શેર
