News Continuous Bureau | Mumbai
બિઝનેસ રિયાલિટી શો ‘શાર્ક ટેન્ક ઈન્ડિયા’ની બીજી સિઝન, જેણે પ્રથમ સિઝનમાં પોતાના શાનદાર પ્રદર્શનથી દિલ જીતી લીધા હતા, તેને લોકો દ્વારા ખૂબ પસંદ કરવામાં આવી રહી છે. ‘શાર્ક ટેન્ક ઈન્ડિયા સીઝન 2’ 2 જાન્યુઆરી, 2023થી શરૂ થઈ હતી. આ શોથી પોતાની ઓળખ બનાવનાર અમન ગુપ્તાએ આ શો વિશે વાત કરી છે. તેણે કહ્યું કે લોકો સાસ-બહુ સિરિયલો કરતાં વધુ બિઝનેસ શો જોઈ રહ્યા છે.
સાસુ વહુ સિરિયલ ને લઇ ને અમન ગુપ્તા એ કહી આ વાત
એક કાર્યક્રમમાં ભાગ લેવા પહોંચેલા અમન ગુપ્તાએ દર્શકોના શો પ્રત્યેના પ્રેમ અંગે પ્રતિક્રિયા આપી છે. આ દરમિયાન તેણે કહ્યું કે મને લાગે છે કે આ ખૂબ જ સારી તક છે. હવે બાળકો કાર્ટૂન નથી જોતા અને મોટા સાસ-બહુ સિરિયલો નથી જોઈ રહ્યા, પરંતુ તેઓ બિઝનેસ શો જોઈ રહ્યા છે, જ્યાં મનોરંજન ઉપરાંત તેમને શિક્ષણ પણ મળે છે. તે આપણા દેશ માટે ઘણું સારું છે. ભારતમાં લોકો બદલાઈ રહ્યા છે. તેમને સરસ વસ્તુઓ ગમે છે. અમને એમ પણ કહ્યું કે લોકો ફરી એકવાર ટીવી જોવા લાગ્યા છે. અન્યથા લોકોએ ટીવી જોવાનું બંધ કરી દીધું હતું.એક ન્યૂઝ એજન્સી સાથે વાત કરતા અમન ગુપ્તાએ કહ્યું કે પહેલા લોકોએ ટીવી જોવાનું બંધ કરી દીધું હતું પરંતુ શાર્ક ટેન્ક ઈન્ડિયાના કારણે લોકો ફરીથી આવું કરવા લાગ્યા છે. જણાવી દઈએ કે આ શોમાં તેમના સિવાય વિનીતા સિંહ, નમિતા થાપર, અનુપમ મિત્તલ, પીયૂષ બંસલ અને અમિત જૈન જોવા મળે છે.
સોની પર પ્રસારિત થાય છે શાર્ક ટેન્ક ઇન્ડિયા
સોની ચેનલ પર આવનારા બિઝનેસ રિયાલિટી શો શાર્ક ટેન્કને દર્શકોનો બધો પ્રેમ મળી રહ્યો છે. પોતાના અનોખા કોન્સેપ્ટને કારણે તે ઘણી ચર્ચામાં રહે છે. આ શો ઉભરતા સાહસિકોને તેમના નવીન વિચારોને ઉડાન આપવામાં મદદ કરે છે. શાર્ક ટેન્ક ઈન્ડિયા વ્યાપારી ઈચ્છુકોને તેમના ઉદ્યોગસાહસિક સપના પૂરા કરવાની તક આપે છે. આ શો આ ઉભરતા સાહસિકો માટે તેમના વિચારો અનુભવી રોકાણકારો અને વ્યવસાય નિષ્ણાતો સમક્ષ રજૂ કરવાની આકર્ષક તક પૂરી પાડે છે.
