અમિતાભ બચ્ચન તેમના શો ‘કૌન બનેગા કરોડપતિ’ના કારણે ઘણીવાર ચર્ચામાં રહે છે. જ્યાં સામાન્ય સ્પર્ધકોની સાથે કલાકારો પણ જોવા મળે છે. જે પોતાની ફિલ્મના પ્રમોશન માટે શોમાં પહોંચે છે. તેવી જ રીતે કાજોલ પણ તેની ફિલ્મ ‘સલામ વેંકી’ના પ્રમોશન માટે શોમાં પહોંચી હતી. પરંતુ આ દરમિયાન તેણે બિગ બી વિશે કંઈક એવું કહ્યું કે તે પોતે જ તેની વાતમાં ફસાઈ ગઈ અને ખોટી સાબિત થઈ. આ દરમિયાન વીડિયો ક્લિપ પણ સોશિયલ મીડિયા પર વાયરલ થઈ રહી છે. જેના પર લોકો અલગ-અલગ પ્રતિક્રિયા આપતા જોવા મળી રહ્યા છે.
અમિતાભ બચ્ચન થી ખુબ ડરે છે કાજોલ
સોની ટીવીએ તેના ઓફિશિયલ ઈન્સ્ટાગ્રામ પેજ પરથી એપિસોડનો આ પ્રોમો શેર કર્યો છે. જેમાં કાજોલ અને રેવતી હોટ સીટ પર બેઠેલી જોવા મળી રહી છે. શરૂઆતમાં બાળકો કાજોલને વિવિધ પ્રશ્નો પૂછતા જોવા મળે છે. એક બાળકે કાજોલને પૂછ્યું કે શું તે કડક મમ્મી છે. બીજાએ પૂછ્યું કે શું તેની માતા તનુજા તેને બાળપણમાં ઠપકો આપતી હતી. તે જ સમયે, એક છોકરીએ કાજોલને પૂછ્યું કે જો તે સુપરહીરો હોત, તો તેની પાસે કઈ સુપરપાવર હોત. જ્યારે એક વ્યક્તિએ અભિનેત્રીને પ્રશ્ન કર્યો કે શું તેણે એવું કંઈક કર્યું છે જે તેણે ન કરવું જોઈતું હતું.આ બધા પછી, એક બાળક કાજોલને પૂછે છે કે શું તે હજુ પણ અમિતાભ બચ્ચનથી એટલી જ ડરે છે જેટલી તે 2001ની ફિલ્મ ‘કભી ખુશી કભી ગમ’ માં ડરતી હતી. જેના જવાબમાં કાજોલ કહે છે, “મને તેમનાથી ખૂબ ડર લાગે છે.” આ સાંભળીને અમિતાભ તરત જ કહે છે, “તે બહુ સારી રીતે જૂઠું બોલતા જાણે છે.” તેના આ વીડિયોને લોકો ખૂબ પસંદ કરી રહ્યા છે. આ સાથે લોકો એપિસોડને લઈને ઉત્સાહ પણ વ્યક્ત કરી રહ્યા છે.
આ સમાચાર પણ વાંચો: Banking News : શું તમારું ‘આ’ સરકારી બેંકમાં ખાતું છે? પોતાના ગ્રાહકો માટે બેંકે નિયમો હળવા કર્યા.
કાજોલ ની અપકમિંગ ફિલ્મ
હવે કાજોલની આગામી ફિલ્મ ‘સલામ વેંકી’ વિશે વાત કરીએ તો તમને જણાવી દઈએ કે તે 9 ડિસેમ્બર, 2022ના રોજ રિલીઝ થશે. રેવતી દ્વારા નિર્દેશિત આ ફિલ્મમાં કાજોલ સાથે વિશાલ જેઠવા, રાજીવ ખંડેલવાલ, આહાના કુમરા અને રાહુલ બોસ મુખ્ય ભૂમિકામાં જોવા મળશે.
