ન્યુઝ કન્ટિન્યુઝ બ્યુરો
મુંબઈ, 11 ડિસેમ્બર 2021
શનિવાર
બોલિવૂડ સ્ટાર્સ પ્રોપર્ટીમાં રોકાણ કરવા માટે જાણીતા છે. હાલમાં જ અમિતાભ બચ્ચન પણ પોતાની એક પ્રોપર્ટી બેંકને આપવાના સમાચાર બાદ ચર્ચામાં આવ્યા હતા. હવે અમિતાભ બચ્ચને તેમની એક પ્રોપર્ટી ભાડે આપી છે. અમિતાભ બચ્ચને અંધેરીમાં સ્થિત તેમનું ડુપ્લેક્સ અન્ય કોઈ નહીં પણ બોલીવુડ અભિનેત્રી કૃતિ સેનનને ભાડે આપ્યું છે. આ માટે કૃતિ સેનન અમિતાભ બચ્ચનને કેટલી રકમ આપશે તે સાંભળીને તમે ચોંકી જશો.
અમિતાભ ને કૃતિ સેનન આ ઘર માટે દર મહિને 10 લાખ રૂપિયા આપશે. આ ફ્લેટ 27માં અને 28મા માળે છે, જેના માટે કૃતિ સેનને ભારે કિંમત ચૂકવી છે. તેમજ તેણે આ ફ્લેટની સિક્યોરિટી મની લગભગ 60 લાખ રૂપિયા આપી છે. હવે કૃતિ સેનન આ ઘરમાં રહેશે. મીડિયા ના અહેવાલ મુજબ, એવી માહિતી મળી છે કે અમિતાભે તેમની મિલકત કૃતિ સેનનને ભાડે આપી દીધી છે. કૃતિ સેનન આ ઘરમાં બે વર્ષ સુધી રહેશે. આ ઉપરાંત અમિતાભ બચ્ચન અને અભિષેક બચ્ચને આ વર્ષે સપ્ટેમ્બરમાં સ્ટેટ બેંક ઓફ ઈન્ડિયાને જુહુમાં એક પ્રોપર્ટી ભાડે આપી છે. કાગળો અનુસાર, અમિતાભ બચ્ચને 15 વર્ષ માટે ભાડા પર બેંકને મિલકત આપી છે અને તેનું ભાડું દર પાંચ વર્ષે 25 ટકા વધશે. તેણે પોતાની 3150 ચોરસ ફૂટ ગ્રાઉન્ડ ફ્લોર પ્રોપર્ટી ભાડા પર આપી છે. પ્રાપ્ત માહિતી અનુસાર, સ્ટેટ બેંક ઓફ ઈન્ડિયાએ એડવાન્સ ભાડું ચૂકવી દીધું છે.
આ છે 'જીજા જી' વિકી કૌશલ ની 6 સાળીઓ , કોઈ સ્કોલર છે તો કોઈ છે ફેશન ફોટોગ્રાફર; જુઓ તસવીરો
અમિતાભ બચ્ચનની જેમ બોલિવૂડમાં ઘણા એવા સ્ટાર્સ છે જેમણે પોતાની પ્રોપર્ટી ભાડે આપી છે. સલમાન ખાન વિશે એવા જ અહેવાલ હતા કે તેણે તેના ગેલેક્સી એપાર્ટમેન્ટ સિવાય બાંદ્રામાં એક ડુપ્લેક્સ ભાડે રાખ્યું છે.આ ડુપ્લેક્સ માટે તે દર મહિને 8.25 લાખ ચૂકવે છે. આ સિવાય સલમાન ખાને બીજી પ્રોપર્ટી 11 લાખ રૂપિયામાં ભાડે લીધી છે. આ લીઝ્ડ ડુપ્લેક્સનો ઉપયોગ સલમાન ખાનની ફર્મ માટે કામ કરતા લેખક માટે પેડ તરીકે કરવામાં આવશે.
