News Continuous Bureau | Mumbai
Anant Ambani Birthday: રિલાયન્સ ઇન્ડસ્ટ્રીઝના અનંત અંબાણીના ૩૧મા જન્મદિવસની ઉજવણી અત્યારે જામનગરમાં પૂરજોશમાં ચાલી રહી છે. આ ખાસ પ્રસંગે અંબાણી પરિવારે એક ભવ્ય ભજન સંધ્યાનું આયોજન કર્યું હતું, જેના વીડિયો સોશિયલ મીડિયા પર વાયરલ થયા છે. આ આધ્યાત્મિક સાંજમાં બોલિવૂડના અનેક દિગ્ગજ સિતારાઓ ભક્તિના રંગે રંગાયેલા જોવા મળ્યા હતા.વાયરલ થયેલા ૩૦ સેકન્ડના વીડિયોમાં મુકેશ અંબાણી અને નીતા અંબાણી ભજન સંધ્યાનો આનંદ માણતા દેખાય છે. તેમની સાથે અનંત અંબાણી અને પત્ની રાધિકા મર્ચન્ટ પણ હાજર હતા. આ કાર્યક્રમમાં રણવીર સિંહ, જાહન્વી કપૂર અને ગૌરી ખાન જેવા સેલેબ્સે હાજરી આપીને જશ્નની રોનક વધારી હતી.
આ સમાચાર પણ વાંચો : Nitesh Tiwari’s Ramayana: શું ‘રામાયણ’માં રાવણનો અલગ અંદાજ જોવા મળશે? નિતેશ તિવારીએ રાવણના પાત્રને લઈને કર્યો મોટો ખુલાસો
રણવીર સિંહ અને જાહન્વી ના ગરબા
આ ભવ્ય ઉજવણીમાં માત્ર ભજન જ નહીં, પરંતુ પરંપરાગત નૃત્યની પણ મજા માણવામાં આવી હતી. વીડિયોના અંતમાં રણવીર સિંહ વાદળી રંગના બંધગળા સૂટમાં અને જાહન્વી કપૂર સફેદ રંગના ઘાઘરા-ચોલીમાં ગરબા રમતા જોવા મળે છે. તેમની સાથે જાહન્વીના કથિત બોયફ્રેન્ડ શિખર પહાડિયા પણ નજરે પડે છે.
શાહરૂખ ખાનની પત્ની ગૌરી ખાન તેના નાના પુત્ર અબરામ ખાન સાથે આ ભજન સંધ્યામાં મગ્ન જોવા મળી હતી. રણવીર સિંહ નીતા અંબાણીની બાજુમાં હાથ જોડીને બેઠેલો દેખાય છે, જે આ કાર્યક્રમના આધ્યાત્મિક માહોલની સાક્ષી પૂરે છે. અગાઉ સલમાન ખાન અને શાહરૂખ ખાને પણ અનંતને જન્મદિવસની ખાસ શુભેચ્છાઓ પાઠવી હતી.અનંત અંબાણીએ પોતાનો ૩૧મો જન્મદિવસ એક અનોખી કેક કાપીને ઉજવ્યો હતો. પુસ્તકની થીમ પર આધારિત આ કેક પર અનંતના નવા પ્રોજેક્ટ ‘વંતારા યુનિવર્સિટી’ વિશે લખાયેલું હતું.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
