News Continuous Bureau | Mumbai
બોલિવૂડ ઈન્ડસ્ટ્રીના ‘બાદશાહ’ શાહરૂખ ખાનનો 25 વર્ષીય પ્રતિભાશાળી પુત્ર આર્યન ખાન તેની પોતાની લક્ઝરી સ્ટ્રીટવેર બ્રાન્ડ લોન્ચ કરી રહ્યો છે. હાલમાંજ આ બ્રાન્ડની જાહેરાતનું ટીઝર સામે આવ્યું હતું, જેને જોઈને લોકો આ આખી જાહેરાત માટે ખૂબ જ ઉત્સાહિત થઈ ગયા હતા. તે જ સમયે, હવે સંપૂર્ણ જાહેરાત બહાર પાડવામાં આવી છે. ક્લિપને જોઈને સ્પષ્ટ થાય છે કે આર્યન ખાને માત્ર તેનું ડિરેક્શન જ નથી કર્યું, પણ કેમેરાની સામે પોતાની બેસ્ટ સ્ટાઈલથી લોકોને દિવાના બનાવતો પણ જોવા મળ્યો છે. પિતા-પુત્રની જોડીને એક ફ્રેમમાં જોવી એ ચાહકો માટે કોઈ વિઝ્યુઅલ ટ્રીટથી ઓછું નથી.
સ્ક્રીન પર જોવા મળ્યો આર્યન ખાન
જાહેરાતની ક્લિપ રિલીઝ થઈ છે, જેમાં આર્યન ખાન પણ સ્ક્રીન પર જોવા મળી રહ્યો છે. આ જોયા પછી, ચાહકોએ પોસ્ટ પર કમેન્ટ નો વરસાદ થયો છે..જાહેરાતની શરૂઆત બ્લેકબોર્ડથી થાય છે, જે એવું લાગે છે કે આર્યન ખાન તેની બ્રાન્ડ માટે પ્લાન કરી રહ્યો છે, પરંતુ અંતે તે હતાશ થઈ જાય છે અને બોર્ડ પર લાલ નિશાન લગાવીને આગળ વધે છે. આ પછી, શાહરૂખ ખાનની એન્ટ્રી થાય છે જે લાલ ચિહ્ન પર ક્રોસ સાઇન આપે છે, જે આર્યનની બ્રાન્ડનો લોગો છે. ક્લિપ પરથી એ પણ સ્પષ્ટ છે કે બ્રાન્ડનું લોન્ચિંગ 30મી એપ્રિલે થશે.
લોકોએ કર્યા આર્યન ખાન ના વખાણ
જાહેરાત પર પ્રતિક્રિયા આપતા, એક સોશિયલ મીડિયા યુઝરે લખ્યું, “નેપોટિઝમ અથવા ગમે તે હોય, પ્રતિભા જીનમાં હોય છે.” બીજાએ લખ્યું, ‘મને ખબર નથી કે આર્યન એક્ટર કેમ નથી બનવા માંગતો પરંતુ તે સ્ક્રીન પર ખૂબ જ સુંદર લાગે છે.’ તે જ સમયે, અન્ય એક લખે છે, ‘તે બંનેને એક વીડિયોમાં જોઈ ને મારો દિવસ બની ગયો.’ આર્યન ખાને સ્પષ્ટ કર્યું છે કે તેને અભિનયમાં રસ નથી. તે હાલમાં એક બિઝનેસમેન અને ફિલ્મ નિર્માતા તરીકે યોગદાન આપવાના માર્ગ પર છે. આર્યન એક વેબ સિરીઝની સ્ક્રિપ્ટ પણ લખી રહ્યો છે, જેનું નિર્દેશન તે કરવાનો છે. ગયા વર્ષે આર્યન દ્વારા આની જાહેરાત કરવામાં આવી હતી.
