News Continuous Bureau | Mumbai
Asha Bhosle Net Worth: બોલિવૂડના દિગ્ગજ ગાયિકા આશા ભોંસલે હવે આપણી વચ્ચે રહ્યા નથી. ૧૨ એપ્રિલ ૨૦૨૬ના રોજ ૯૨ વર્ષની વયે તેમણે અંતિમ શ્વાસ લીધા. સાત દાયકા લાંબી અને અત્યંત સફળ કારકિર્દી દરમિયાન આશા તાઈએ માત્ર નામ જ નહીં, પણ અઢળક સંપત્તિ પણ મેળવી છે. મીડિયા રિપોર્ટ્સ અનુસાર, આશા ભોંસલે અંદાજે ૨૦૦ થી ૨૫૦ કરોડની સંપત્તિના માલિક હતા.ગાયિકાની આવકનો મુખ્ય સ્ત્રોત તેમનું સંગીત રહ્યું છે. હજારો હિટ ગીતો ઉપરાંત, દેશ-વિદેશમાં થતા લાઈવ શો અને મ્યુઝિકલ ટૂર દ્વારા તેમણે મોટી કમાણી કરી હતી. તેમના જૂના ગીતોની ડિજિટલ સ્ટ્રીમિંગ અને રેડિયો રોયલ્ટી પણ તેમની આવકનો મોટો હિસ્સો હતી.
આ સમાચાર પણ વાંચો : Raaka star cast fees: શું ‘રાકા’ માટે અલ્લુ અર્જુને લીધા 175 કરોડ? દીપિકા અને રશ્મિકાની ફી જાણીને પણ હોશ ઉડી જશે!
આશા ભોંસલેનું બિઝનેસ સામ્રાજ્ય
સિંગિંગ સિવાય આશા ભોંસલે એક સફળ બિઝનેસવુમન પણ હતા. તેઓ વિદેશમાં ‘Asha’s’ નામની જાણીતી રેસ્ટોરન્ટ ચેઈન ચલાવતા હતા. દુબઈ, કુવૈત અને બર્મિંગહામ જેવા શહેરોમાં તેમની રેસ્ટોરન્ટ્સ ખૂબ લોકપ્રિય છે.મુંબઈના પોશ વિસ્તાર લોઅર પરેલમાં તેમનું આલીશાન ઘર છે, આ ઉપરાંત પુણેમાં પણ તેમની પાસે કિંમતી પ્રોપર્ટી છે. તેમને મોંઘી ગાડીઓનો પણ શોખ હતો, તેમના કાફલામાં ઘણી લક્ઝરી કાર સામેલ હતી.
આશા ભોંસલેના અંગત જીવનમાં ઘણા ઉતાર-ચઢાવ આવ્યા હતા. પ્રથમ પતિ ગણપત રાવથી તેમને ત્રણ સંતાનો હતા – વર્ષા, હેમંત અને આનંદ.વર્ષ ૨૦૧૨માં પુત્રી વર્ષાનું અને ૨૦૧૫માં પુત્ર હેમંતનું નિધન થયું હતું.બીજા પતિ આર.ડી. બર્મન અને આશા તાઈને કોઈ સંતાન નહોતું.હવે આશા ભોંસલેના એકમાત્ર જીવિત પુત્ર આનંદ ભોંસલે છે, જેઓ પોતે એક સફળ બિઝનેસમેન છે. આથી, ગાયિકાની કરોડોની સંપત્તિના અસલી વારસદાર આનંદ ભોંસલે જ હોવાનું માનવામાં આવે છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
