News Continuous Bureau | Mumbai
Asha Bhosle song| ‘સૂરોની મલ્લિકા’ આશા ભોંસલેએ તેમની કારકિર્દીમાં ૧૨,૦૦૦થી વધુ ગીતોને અવાજ આપ્યો છે. તેમની વર્સેટાલિટી એવી હતી કે તેઓ દરેક પ્રકારના ગીતોને જીવંત કરી શકતા હતા. પરંતુ ૫૫ વર્ષ પહેલાં ૧૯૭૧માં આવેલી ફિલ્મ ‘કારવાં’નું એક ગીત તેમના માટે અને ફિલ્મ માટે મોટો વિવાદ લઈને આવ્યું હતું. હેલેન પર ફિલ્માવાયેલું અને આશા ભોંસલે દ્વારા ગવાયેલું ‘પિયા તૂ અબ તો આજા’ ગીત આજે ભલે એક ‘કલ્ટ ક્લાસિક’ ગણાય છે, પણ એક સમયે તેના બોલ પર થયેલા વિવાદને કારણે તેને બેન કરવામાં આવ્યું હતું.
આશા તાઈ પણ હતા નારાજ
રસપ્રદ વાત એ છે કે જ્યારે આ ગીત આશા ભોંસલેને આપવામાં આવ્યું, ત્યારે તેઓ શરૂઆતમાં નારાજ થયા હતા. તેમને લાગ્યું હતું કે તેમને વારંવાર આવા જ આઈટમ સોન્ગ્સ કેમ મળે છે? જોકે, સંગીતકાર આર.ડી. બર્મન (પંચમ દા) ના સમજાવ્યા બાદ તેમણે આ ગીત ગાવા માટે સંમતિ આપી હતી. થિયેટરોમાં આ ગીત વાગતું ત્યારે લોકો સીટીઓ વગાડવા મજબૂર થઈ જતા, પરંતુ ગીતના બોલની બોલ્ડનેસના કારણે તે વિવાદમાં ઘેરાયું હતું.
ગીતકાર મજરુહ સુલતાનપુરી પણ થયા હતા શરમિંદા
આ ગીતના લિરિક્સ મજરુહ સુલતાનપુરીએ લખ્યા હતા. એક કિસ્સો એવો છે કે જ્યારે સ્ટુડિયોમાં આ ગીતની રેકોર્ડિંગ થઈ રહી હતી, ત્યારે મજરુહ પોતે ગીતના બોલ સાંભળીને એટલા શરમાઈ ગયા હતા કે તેઓ સ્ટુડિયોની બહાર નીકળી ગયા હતા. તેમને તે સમયના માપદંડ મુજબ ગીતના શબ્દો ખૂબ જ ‘સિડક્ટિવ’ (ઉશ્કેરણીજનક) લાગ્યા હતા, જેના કારણે તેમણે પોતાનો જ ગીત સાંભળવામાં સંકોચ અનુભવ્યો હતો.
બેન હોવા છતાં બન્યું કલ્ટ ક્લાસિક
ગીત રિલીઝ થતાં જ સુપરહિટ તો થયું, પરંતુ તેની સામે આકરા વિરોધનો વંટોળ ઊભો થયો અને તેના પર બેન લગાવવામાં આવ્યો હતો. આ બધું છતાં, આ ગીતની લોકપ્રિયતામાં જરાય ઘટાડો થયો નથી. આજે પણ તે એક ‘કલ્ટ ક્લાસિક’ ગણાય છે. તાજેતરમાં જ, રણવીર સિંહની ફિલ્મ ‘ધુરંધર’માં આ ગીતની કેટલીક પંક્તિઓનો ઉપયોગ કરવામાં આવ્યો હતો, જે દર્શકોને ખૂબ જ પસંદ આવ્યો હતો. આ ગીત આજે પણ એટલું જ લોકપ્રિય છે જેટલું પાંચ દાયકા પહેલા હતું.
👉 આ સમાચાર વાચો:
Rakesh Bedi Dhurandhar। ‘ધુરંધર’ ની ધમાકેદાર સફળતા! રાકેશ બેદી પર પૈસાનો વરસાદ, નિર્માતાઓએ આપ્યું અધધ આટલા કરોડ નું બોનસ
