ન્યુઝ કન્ટિન્યુઝ બ્યુરો
મુંબઈ, 11 ફેબ્રુઆરી 2022
શુક્રવાર
ટીવીના લોકપ્રિય રિયાલિટી શો બિગ બોસની સીઝન 13ના રનર અપ અસીમ રિયાઝ વિશે એક મોટા સમાચાર સામે આવ્યા છે. એવું કહેવામાં આવી રહ્યું છે કે અસીમ રિયાઝને સલમાન ખાન સાથે ફિલ્મ કરવાની તક મળી છે.બિગ બોસ 13 દરમિયાન અસીમ રિયાઝ અને સલમાન ખાન વચ્ચે સારા સંબંધો હતા. સલમાન ખાનના મોટા ચાહકોમાંથી એક અસીમ રિયાઝને તેની આગામી ફિલ્મ 'ભાઈજાન'માં તેના નાના ભાઈનો રોલ કરવાની તક મળી છે.
લેટેસ્ટ રિપોર્ટ અનુસાર, 'આસિમ રિયાઝ સલમાન ખાનની ફિલ્મ ભાઈજાનમાં તેના નાના ભાઈની ભૂમિકા ભજવશે અને ફિલ્મનું શૂટિંગ નવેમ્બરના મધ્યમાં શરૂ થશે. આસિમ રિયાઝે પોતાને ઈન્ડસ્ટ્રીમાં સ્થાપિત કરવા માટે ઘણી મહેનત કરી છે. આખરે તેની મહેનત રંગ લાવી. આ સમાચાર સાંભળીને તેના ચાહકોમાં ખુશીની લહેર જોવા મળશે. જોકે, આ અંગે અસીમ રિયાઝ કે સલમાન ખાન તરફથી કોઈ પુષ્ટિ થઈ નથી.બિગ બોસ 13 દરમિયાન, દિવંગત અભિનેતા સિદ્ધાર્થ શુક્લા સાથે અસીમ રિયાઝના પ્રેમ અને નફરતના સંબંધો લોકોનું ધ્યાન આકર્ષિત કરતા હતા. જ્યાં આ સિઝનમાં સિદ્ધાર્થ શુક્લાએ ટ્રોફી જીતી હતી. આ સાથે જ આસિમ રિયાઝ રનર અપ રહ્યો હતો. જણાવી દઈએ કે અસીમ રિયાઝનો ભાઈ ઉમર રિયાઝ બિગ બોસ 15માં જોવા મળ્યો હતો. ઉમર રિયાઝે પોતાની રમતથી દર્શકોને મંત્રમુગ્ધ કર્યા હતા અને તેમને ખૂબ આવકાર મળ્યો હતો.
ભારતમાં નહીં પરંતુ આ સુંદર સ્થળ પર લગ્ન કરશે ફરહાન અખ્તર અને શિબાની દાંડેકર; જાણો શું છે તેમનો પ્લાન
સલમાન ખાનના વર્ક ફ્રન્ટ ની વાત કરીએ તો તે પોતાની ફિલ્મ 'ટાઈગર 3'ના શૂટિંગ માટે દિલ્હી જઈ રહ્યો છે. આ શૂટિંગ શેડ્યૂલ 15 દિવસનું હશે જે ફિલ્મ ચેઝ સિક્વન્સ પર ફોકસ કરશે. સલમાન ખાન લાલ કિલ્લા પાસે શૂટિંગ કરતો જોવા મળશે. આ ફિલ્મમાં સલમાન ખાન સાથે કેટરીના કૈફ અને ઈમરાન હાશ્મી છે.
