ન્યુઝ કન્ટિન્યુઝ બ્યુરો,
મુંબઈ, 24 ફેબ્રુઆરી 2022
ગુરુવાર
ગાયક અને સંગીતકાર બપ્પી લહેરીનું 15 ફેબ્રુઆરીએ અવસાન થયું હતું. બોલિવૂડને શ્રેષ્ઠ ગીતોમાંથી એક આપનાર બપ્પી દાને OSA એટલે કે ઓબ્સ્ટ્રકટીવ સ્લીપ એપનિયા હતી. આ બીમારી તેમના મૃત્યુનું કારણ કહેવાય છે પરંતુ હવે તેમના પુત્ર બપ્પા લહેરીએ તેમના પિતાના મૃત્યુ પાછળનું સાચું કારણ જાહેર કર્યું છે.બપ્પી લહેરીના પુત્ર બપ્પાએ મીડિયાને જણાવ્યું કે તેના પિતાનું મૃત્યુ OSAથી નથી થયું. તે શ્વસન રોગથી પણ મૃત્યુ પામ્યા ન હતા . બાપ્પાએ કહ્યું કે તેમને લાગે છે કે તેમના પિતાનું મૃત્યુ કાર્ડિયાક એટેક થી થયું હતું.
'ડિસ્કો કિંગ'ના નિધનથી સમગ્ર દેશની આંખો ભીની થઈ ગઈ હતી. સોશિયલ મીડિયા પર લોકો પોતપોતાની રીતે બપ્પી દાને શ્રદ્ધાંજલિ આપી રહ્યા છે. તેમના પુત્ર બપ્પા લહેરી અને પુત્રી રીમા લહેરી બપ્પા દાના અવસાનથી દુઃખી છે. બપ્પી દાના ગયા પછી તેમનો પરિવાર ખૂબ જ દુઃખી છે. મીડિયા સાથે વાત કરતા તેના પુત્રએ પણ કહ્યું કે પરિવાર તેને ખૂબ મિસ કરી રહ્યો છે. તેઓ તેમના મૃત્યુ પર વિશ્વાસ કરી શકતા નથી.જણાવી દઈએ કે પીઢ ગાયક બપ્પી લહેરીના અંતિમ સંસ્કાર વિલે પાર્લે સ્મશાનગૃહમાં કરવામાં આવ્યા હતા. જ્યારે બપ્પી લહેરીને હોસ્પિટલમાં લાવવામાં આવ્યા ત્યારે તેમને ફેફસામાં ઈન્ફેક્શન થયું હતું અને તેઓ લાંબા સમય સુધી યોગ્ય રીતે સૂઈ શકતા ન હતા. બપ્પી દાએ તેમની પુત્રી રીમાની બાહોમાં અંતિમ શ્વાસ લીધા હતા. પિતાના મૃતદેહને જોઈને બપ્પી લહેરીની પુત્રીના હોશ ઉડી ગયા હતા. તેમની પુત્રીની ભાવનાત્મક તસવીર સોશિયલ મીડિયા પર વાયરલ થઈ હતી.
બપ્પી લહેરીનો જન્મ 1952માં જલપાઈગુડીમાં થયો હતો. તમને ભાગ્યે જ ખબર હશે કે બપ્પી લહેરીનું સાચું નામ આલોકેશ લાહિની હતું. બપ્પી લાહિરી ઘણું સોનું પહેરતા હતા. વર્ષ 2014માં બપ્પી લહેરીએ સેરામપુર લોકસભા સીટ પરથી ચૂંટણી લડી હતી.તે દરમિયાન તેણે સોગંદનામું રજૂ કર્યું હતું. નામાંકન ભરતી વખતે તેણે પોતાની કુલ સંપત્તિનો ઉલ્લેખ કર્યો અને કહ્યું કે તેમની પાસે કુલ 754 ગ્રામ સોનું છે. તેમણે વર્ષ 2014માં યોજાયેલી ચૂંટણી દરમિયાન ભરેલા નોમિનેશનમાં આ માહિતી આપી હતી.ઘણા મીડિયા અહેવાલો સૂચવે છે કે તેની પાસે આના કરતાં વધુ સોનું હતું. આ દરમિયાન આ સોનાની કુલ કિંમત 37 લાખ રૂપિયાથી વધુ છે. એટલું જ નહીં બપ્પી લહેરી પાસે 4.62 કિલો ચાંદી પણ હતી. આજના સમયમાં આ ચાંદીની કુલ કિંમત 2.91 લાખ રૂપિયા છે.
