News Continuous Bureau | Mumbai
Bade miyan chote miyan: અક્ષય કુમાર અને ટાઇગર શ્રોફ ની ફિલ્મ બડે મિયાં છોટે મિયાં 11 એપ્રિલે રિલીઝ થવાની છે. હાલ બંને સ્ટાર્સ ફિલ્મ ના પ્રમોશન માં વ્યસ્ત છે. તાજેતરમા જ અક્ષય ને ટાઇગર તેમની ફિલ્મ ના પ્રમોશન માટે અબુ ધાબી પહોંચ્યા હતા. ફિલ્મની રજૂઆત પહેલા, બંને કલાકારોએ અબુ ધાબીમાં બનેલા પ્રથમ બાપ્સ મંદિરમાં પ્રાર્થના કરી હતી. જેનો વિડીયો સોશિયલ મીડિયા પર વાયરલ થઇ રહ્યો છે. લોકો આ વિડીયો જોઈ ને બંને કલાકારો પર ગર્વ અનુભવી રહ્યા છે.
આ સમાચાર પણ વાંચો : Bade miyan chote miyan: રાતોરાત બદલાઈ ગઈ બડે મિયાં છોટે મિયાં ની રિલીઝ ડેટ, હવે 10 એપ્રિલ એ નહીં આ તારીખ એ રિલીઝ થશે અક્ષય અને ટાઇગર ની ફિલ્મ
અક્ષય અને ટાઈગરે કરી અબુ ધાબી ના હિન્દુ મંદિરમાં પ્રાર્થના
અક્ષય કુમાર અને ટાઈગર શ્રોફે તેમના સોશિયલ મીડિયા પર એક વિડિયો શેર કર્યો છે, જેમાં બંને દેવી-દેવતાઓની પૂજા કરતા અને ધાર્મિક સંતો પાસેથી આશીર્વાદ લેતા જોઈ શકાય છે. આ દરમિયાન અક્ષય કુમાર સફેદ કુર્તા અને બ્લેક ટ્રાઉઝર માં તો ટાઈગર આછા લીલા રંગનો કુર્તો અને સફેદ પેન્ટ માં જોવા મળ્યો હતો. આ વિડીયો શેર કરતા અક્ષય કુમારે લખ્યું, ‘અબુધાબીમાં BAPS હિન્દુ મંદિરની મુલાકાત લેવાની તક મળી. તે એકદમ દૈવી અનુભવ હતો. અને હા, નવરાત્રી, ગુડી પડવા અને ઉગાદીની શુભકામનાઓ. આ શુભ અવસર તમારા અને તમારા પ્રિયજનો માટે ખુશીઓ, સમૃદ્ધિ અને નવી શરૂઆત લઈને આવે.’
તમને જણાવી દઈએ કે સંયુક્ત આરબ અમીરાતની રાજધાની અબુ ધાબીમાં બનેલું આ પહેલું હિન્દુ મંદિર છે. બોચાસણવાસી અક્ષર પુરુષોત્તમ સ્વામિનારાયણ સંસ્થા (BAPS) દ્વારા બંધાયેલ અને સંચાલિત આ મંદિરનું ઉદ્ઘાટન 14 ફેબ્રુઆરીના રોજ કરવામાં આવ્યું હતું.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)