News Continuous Bureau | Mumbai
કોમેડી ક્વીન્સ કહેવાતા ભારતી સિંહ અને હર્ષ લિમ્બાચીયાએ તેમના ફેન્સને ખુશખબર આપી છે. ભારતી અને હર્ષના ઘરે કિલકરી ગુંજી ઉઠી છે. હર્ષ અને ભારતીએ સોશિયલ મીડિયા પ્લેટફોર્મ પર જણાવ્યું છે કે તેમના ઘરે પુત્રનો જન્મ થયો છે. ભારતી સિંહ અને હર્ષ લિમ્બાચીયાની આ ઈન્સ્ટાગ્રામ પોસ્ટને ચાહકો ખૂબ પસંદ કરી રહ્યા છે અને સોશિયલ મીડિયા પર પોતાનો પ્રેમ વરસાવી રહ્યા છે. સામાન્ય ચાહકોની સાથે ઘણા સેલેબ્સે પણ ઈન્સ્ટા પોસ્ટ પર કપલને અભિનંદન પાઠવ્યા છે.
ભારતી સિંહ અને હર્ષ લિમ્બાચીયાએ એક કોમન ઈન્સ્ટાગ્રામ પોસ્ટ શેર કરી છે. આ પોસ્ટમાં હર્ષ અને ભારતીએ એક ક્યૂટ તસવીર શેર કરી છે. આ તસવીરમાં હર્ષ અને ભારતી હાથમાં ટોપલી પકડીને સાથે જોવા મળે છે. આ ફોટો એવી રીતે શૂટ કરવામાં આવ્યો છે કે જાણે આ ટોપલીમાં બાળક હોય. આ તસવીરની સાથે હર્ષ અને ભારતીએ કેપ્શનમાં લખ્યું છે- દીકરો થઈ ગયો. સાથે જ એક હાર્ટ ઈમોજી પણ બનાવવામાં આવ્યું છે. થોડી જ વારમાં હર્ષ-ભારતીની આ ઈન્સ્ટાગ્રામ પોસ્ટ વાયરલ થઈ ગઈ છે.થોડા જ સમયમાં આ પોસ્ટ પર લગભગ એક લાખ લાઈક્સ પહોંચી ગઈ છે. આ સાથે અનેક સેલેબ્સે પણ કોમેન્ટ કરી છે. નેહા કક્કર, જસ્મીન ભસીન, દેવોલિના ભટ્ટાચારજી, શાનુ શર્મા, નિક્કી તંબોલી, મૌની રોય, અદિતિ ભાટિયા, ઉમર રિયાઝ, તુષાર કાલિયા, અનીતા હસનંદાની, પ્રિયંક શર્મા, રાહુલ વૈદ્ય, જય ભાનુશાલી, ડેલનાઝ ઈરાની, સુદેશ લહેરી, કરણ જોહર, સુનયના. અર્જુન બિજલાની, પ્રતીક સહજપાલ, વિશાલ સિંહ, ઝૈનીમામ, અશ્નૂર કૌર, નેહા પેંડસે, મુક્તિ મોહન, માહી વિજ સહિત ઘણા સેલેબ્સે કપલને અભિનંદન પાઠવ્યા છે અને પોસ્ટ પર પ્રેમનો વરસાદ કર્યો છે.
આ સમાચાર પણ વાંચો : શું સુમોના ચક્રવર્તીએ 'ધ કપિલ શર્મા શો' ને કહી દીધું અલવિદા? અભિનેત્રીએ આ ઉપર મૌન તોડતા જણાવી હકીકત; જાણો વિગત
તમને જણાવી દઈએ કે તાજેતરમાં જ ભારતીએ સોશિયલ મીડિયા પર ચાલી રહેલી દીકરીને જન્મ આપવાની અફવાઓને પણ નકારી કાઢી હતી. હાસ્ય કલાકારે કહ્યું હતું કે "મને પ્રિયજનો તરફથી અભિનંદન માટે સંદેશાઓ અને કૉલ્સ આવી રહ્યા છે. એવા સમાચાર છે કે મેં એક બાળકીને જન્મ આપ્યો છે. પરંતુ તે સાચું નથી. તેથી મેં લાઇવ આવવાનું નક્કી કર્યું અને સ્પષ્ટતા કરી કે. "હું કામ કરું છું. મને બીક લાગે છે. તારીખ નજીક છે." બંને ના વર્ક ફ્રન્ટ ની વાત કરીએ તો, ભારતી અને હર્ષ આ દિવસોમાં રિયાલિટી શો હુનરબાઝને હોસ્ટ કરતા જોવા મળી રહ્યા છે. આ સિવાય આ કપલ રિયાલિટી શો ખતરા ખતરા ઓન વોટમાં પણ જોવા મળે છે.
