News Continuous Bureau | Mumbai
બોલિવૂડની ઘણી અભિનેત્રીઓએ તેમના ઈન્ટરવ્યુ દરમિયાન ખુલાસો કર્યો છે કે તેમને ઈન્ટીમેટ સીન અથવા કિસિંગ સીન કરતી વખતે વિવિધ પ્રકારના માનસિક આઘાત માંથી પસાર થવું પડ્યું હતું. એક તરફ, સેટ પર માત્ર પુરૂષોનું વર્ચસ્વ ધરાવતું ક્રૂ હોવાને કારણે, તે આવા બોલ્ડ દ્રશ્યોમાં અસ્વસ્થતા અનુભવતી હતી, તો બીજી તરફ ઘણી વખત સહ કલાકારો આનો ફાયદો ઉઠાવીને તેમની લાઇન ક્રોસ કરી લેતા હતા. ઘણી અભિનેત્રીઓ આ કારણથી આવા સીન કરતા ખચકાય છે. જોકે, છેલ્લા કેટલાક સમયથી પશ્ચિમની જેમ ભારતમાં પણ ઇન્ટિમસી કો-ઓર્ડિનેટર નો ટ્રેન્ડ જોર પકડી રહ્યો છે. બે પાત્રો વચ્ચે રક્ષકની જેમ અભિનય કરીને, આ ઇન્ટિમેટ કો -ઓર્ડિનેટર તેમની અસ્વસ્થતા અને અનિચ્છાને દૂર કરે છે.
કેવી રીતે કામ કરે છે ઇન્ટિમસી કો-ઓર્ડિનેટર
જો આપણે સાદી ભાષામાં કહીએ તો ઇન્ટિમસી કો-ઓર્ડિનેટરનું કામ ફિલ્મના દિગ્દર્શક, નિર્માતા અને અભિનેતા વચ્ચેના સીનને લગતી તમામ બાબતોને અગાઉથી સાફ કરવાનું છે. જો ફિલ્મમાં કોઈ ઈન્ટીમેટ સીન હોય તો તે સીન શૂટ કરવાની જવાબદારી ઇન્ટિમસી કો-ઓર્ડિનેટર ની હોય છે. આ બધામાં સૌથી મોટો નિયમ એ છે કે અભિનેત્રીની સંમતિ અને ખાતરી કરવી કે તે સીન કરવામાં આરામદાયક છે કે નહીં. સૌથી પહેલા તેની શરૂઆત દીપિકા પાદુકોણની ફિલ્મ ‘ગહેરાઇયાં’ થી થઈ હતી. આ ફિલ્મમાં સિદ્ધાંત ચતુર્વેદી અને દીપિકા વચ્ચેના ઈન્ટિમેટ સીન અને કિસિંગ સીન ઇન્ટિમસી કોઓર્ડિનેટર દ્વારા શૂટ કરવામાં આવ્યા હતા.
ફેમ ગેમ થી ઇન્ટિમસી કોઓર્ડિનેટર બની આસ્થા
આસ્થા કહે છે કે મેં મારો પહેલો પ્રોજેક્ટ નેટફ્લિક્સ શો ફેમ ગેમ સાથે ઇન્ટિમસી કોઓર્ડિનેટર તરીકે શરૂ કર્યો હતો. હું બે અભિનેતા દાનિશ સૂદ અને લક્ષવીર શરણ સાથે કામ કરી રહી હતી. પછી મેં એક બીજો સીન કર્યો જેમાં મેં મુસ્કાન જાફરી સાથે કામ કર્યું. અમને એ સીન કરવામાં ખૂબ જ મજા આવી હતી અને એ સીન એટલી સરળતાથી શૂટ થયો હતો કે અમે ત્રણેય આજે સારા મિત્રો બની ગયા છીએ. થયું એવું કે બંને છોકરાઓએ એ સીન માટે એકબીજાને કિસ કરવી પડી. બંને ખૂબ જ યન્ગ હતા અને ખૂબ જ નર્વસ હતા. સીન પહેલા બંનેએ તેમનો તમામ ભરોસો મને સોંપી દીધો હતો. આખી વર્કશોપ કર્યા પછી, મેં તે દ્રશ્ય કોરિયોગ્રાફ કર્યું અને કલાકારોને સમજાવ્યું. આજે જુઓ તો એ દ્રશ્ય સ્ક્રીન પર ખૂબ જ સુંદર લાગે છે. તે જ સમયે, ગહેરાઇયાં નું શૂટિંગ પણ ચાલી રહ્યું હતું, જ્યાં મને DAB તરીકે રાખવામાં આવી હતી. મારા ડેબ્યુ પ્રોજેક્ટમાં હું બંને ફિલ્મો વચ્ચે ભાગદોડ કરી રહી હતી. ગહેરાઇયાં માટે દરરોજ સેટ પર હોવું જરૂરી હતું. ત્યાં નાની સમસ્યાઓ હતી પરંતુ એકંદરે તે ખૂબ જ મજા આવી.
આ સમાચાર પણ વાંચો: વર્ષોના બ્રેકઅપ બાદ રણબીરની બાહોમાં જોવા મળી દીપિકા પાદુકોણ, તસવીર પર ચાહકો વરસાવી રહ્યા છે પ્રેમ
