ન્યુઝ કન્ટિન્યુઝ બ્યુરો
મુંબઈ,11 જાન્યુઆરી 2022
મંગળવાર
અર્જુન કપૂર અને તેની બહેન અંશુલા કપૂર તાજેતરમાં કોવિડ-19થી સંક્રમિત થયા હતા. જે બાદ તેણે કહ્યું કે તે ઘરે ક્વોરેન્ટાઈનમાં છે. બંનેએ કોરોનાને હરાવ્યો છે, પરંતુ આ દરમિયાન હવે બોની કપૂર અને શ્રીદેવીની નાની પુત્રી ખુશી કપૂરનો કોરોના ટેસ્ટ પોઝિટિવ આવ્યો છે.ખુશી કોરોનાની સાથે સાથે બોની અને જ્હાનવી કપૂર ઘરે સોશિયલ ડિસ્ટન્સિંગનું પાલન કરી રહ્યા છે અને બંને ઘરમાં જ કોરન્ટીન થઈ ગયા છે.હજુ એ સ્પષ્ટ નથી થયું કે જ્હાન્વી અને બોનીનો ટેસ્ટ નેગેટિવ આવ્યો છે કે નહીં. હાલમાં પરિવાર તરફથી સત્તાવાર માહિતીની રાહ જોવાઈ રહી છે.
ખુશી કપૂરે તેના સોશિયલ મીડિયા પર આ વિશે કોઈ પોસ્ટ શેર કરી નથી.એક મીડિયા હાઉસ ના સમાચાર અનુસાર, તેનો કોરોના ટેસ્ટ પોઝિટિવ આવ્યો છે. તાજેતરમાં, જ્હાનવી કપૂરે ઇન્સ્ટાગ્રામ પર એક તસવીર શેર કરી હતી જેમાં તેણે થર્મોમીટર લગાવ્યું હતું અને તે તેના શરીરનું તાપમાન ચેક કરતી જોવા મળી હતી. અન્ય એક તસવીરમાં તે બહેન ખુશી કપૂર સાથે પથારીમાં હતી. આ સાથે જ્હાન્વીએ લખ્યું- 'વર્ષનો ફરીથી તે સમય'.
અર્જુન અને અંશુલાની સાથે જ્હાન્વીની કઝીન રિયા કપૂર અને તેના પતિને પણ આ વાયરસનો ચેપ લાગ્યો હતો. ચારેય હાલમાં કોરોનામાંથી સાજા થઈ રહ્યા છે.જ્હાન્વીના વર્કફ્રન્ટ વિશે વાત કરીએ તો, તેની પાસે 'ગુડ લક જેરી' અને 'દોસ્તાના 2' છે. આ સિવાય તે બોની કપૂરના પ્રોડક્શનની ફિલ્મ 'મિલી'માં જોવા મળશે. બીજી તરફ ખુશી કપૂર પણ તેના ડેબ્યુ માટે તૈયાર છે. તે ઝોયા અખ્તરની ફિલ્મથી બોલિવૂડમાં ડેબ્યૂ કરશે.
