News Continuous Bureau | Mumbai
Border 2 Box Office Collection Day 4:અનુરાગ સિંહ દ્વારા નિર્દેશિત અને સની દેઓલ સ્ટારર ‘બોર્ડર 2’ એ તેની રિલીઝના ચોથા દિવસે (પ્રથમ સોમવારે) ભારત અને વિદેશમાં જબરદસ્ત કમાણી કરી છે. ફિલ્મે માત્ર ૪ દિવસમાં વિશ્વભરમાં ૨૩૯.૨ કરોડ નું ગ્રોસ કલેક્શન કર્યું છે.રસપ્રદ વાત એ છે કે, સોમવારે ફિલ્મે ૫૯ કરોડની કમાણી કરી, જે તેના રવિવારના કલેક્શન (૫૪.૫ કરોડ) કરતા પણ વધુ છે. આ પ્રકારનો ઉછાળો બોક્સ ઓફિસ પર ભાગ્યે જ જોવા મળે છે.
આ સમાચાર પણ વાંચો :
‘બોર્ડર 2’ બોક્સ ઓફિસ બ્રેકઅપ (ઇન્ડિયા નેટ)
સની દેઓલ સ્ટારર ‘બોર્ડર 2’ ફિલ્મે ભારતીય બોક્સ ઓફિસ પર શાનદાર પ્રદર્શન કરતા ચાર દિવસમાં જ ૧૮૦ કરોડનું નેટ કલેક્શન કરી લીધું છે. ફિલ્મની શરૂઆત શુક્રવારે ૩૦ કરોડથી થઈ હતી, જે બાદ શનિવારે કમાણીમાં ઉછાળો જોવા મળ્યો અને આંકડો ૩૬.૫ કરોડ સુધી પહોંચ્યો હતો. રવિવારે રજાનો લાભ મળતા ફિલ્મે ૫૪.૫ કરોડનો જંગી બિઝનેસ કર્યો હતો. જોકે, સૌથી મોટો ધડાકો ચોથા દિવસે એટલે કે ૨૬ જાન્યુઆરી (સોમવાર) ના રોજ થયો હતો, જ્યારે પ્રજાસત્તાક પર્વની રજામાં ફિલ્મે ૫૯ કરોડની ઐતિહાસિક કમાણી કરીને બોક્સ ઓફિસ પર પોતાની ધાક જમાવી દીધી છે.
ભારતીય બજાર ઉપરાંત ઇન્ટરનેશનલ માર્કેટમાં પણ ફિલ્મ સારું પ્રદર્શન કરી રહી છે. વિદેશી બજારોમાંથી અત્યાર સુધીમાં અંદાજે ૨૭ કરોડની કમાણી થઈ છે. આ સાથે ફિલ્મનું કુલ વર્લ્ડવાઈડ ગ્રોસ કલેક્શન ૨૩૯.૨ કરોડ પર પહોંચી ગયું છે. ટ્રેડ એનાલિસ્ટ્સ મુજબ, આ ફિલ્મ ટૂંક સમયમાં જ ૫૦૦ કરોડની ક્લબમાં સામેલ થઈ શકે છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
