News Continuous Bureau | Mumbai
Cannes Film Festival Secrets| વિશ્વના સૌથી પ્રતિષ્ઠિત ‘કાન્સ ફિલ્મ ફેસ્ટિવલ’ (Cannes Film Festival) ના રેડ કાર્પેટ પરથી સેલિબ્રિટીઝના ગ્લેમરસ ફોટા આપણે દર વર્ષે જોઈએ છીએ. પરંતુ આ ઝાકઝમાળ પાછળ અનેક એવા રહસ્યો છુપાયેલા છે જે સામાન્ય રીતે કોઈને ખબર નથી હોતી. બ્યુટી અને વેલનેસ ઇન્ફ્લુએન્સર તારિણી પેશાવરિયાએ (Tarini Peshawaria) સોશિયલ મીડિયા પર એક વીડિયો શેર કરીને કાન્સ ફેસ્ટિવલના આવા જ કેટલાક ચોંકાવનારા સિક્રેટ્સ પરથી પડદો ઉઠાવ્યો છે.
રેડ કાર્પેટ પર ફોટોગ્રાફર્સને આપવા પડે છે પૈસા
૪ વર્ષ પહેલાં કાન્સ ફેસ્ટિવલનો હિસ્સો બનેલી તારિણીએ ખુલાસો કર્યો છે કે રેડ કાર્પેટ માત્ર ૧ થી ૨ મિનિટ લાંબુ હોય છે. ત્યાં હાજર ફોટોગ્રાફર્સ આપમેળે દરેકના ફોટા નથી પાડતા, પરંતુ તેમને એડવાન્સ બુક કરવા માટે મોટી રકમ ચૂકવવી પડે છે. તારિણીએ જણાવ્યું કે, “મેં રેડ કાર્પેટ પર માત્ર ૭ વીડિયો અને ફોટા મેળવવા માટે ૪૦૦ યુરો (અંદાજે ૩૬,૦૦૦ થી વધુ) ચૂકવ્યા હતા.”
ઐશ્વર્યા અને ટોમ ક્રૂઝ માટે ખાસ સિક્યોરિટી
તેણે ઉમેર્યું કે દરેક સેલિબ્રિટી માટે રેડ કાર્પેટ એક સરખું નથી હોતું. જ્યારે હોલીવુડ સ્ટાર ટોમ ક્રૂઝ આવ્યા ત્યારે ૧૦ મિનિટ સુધી કોઈને ત્યાં જવાની પરવાનગી નહોતી. તેવી જ રીતે, બોલિવૂડ એક્ટ્રેસ ઐશ્વર્યા રાય બચ્ચન (Aishwarya Rai Bachchan) ની એન્ટ્રી વખતે પણ આખું રેડ કાર્પેટ માત્ર તેમના માટે જ ખાલી કરી દેવામાં આવે છે અને સિક્યોરિટી અત્યંત ટાઈટ હોય છે.
એક રાતનું ભાડું ૩ લાખ, મનીષ મલ્હોત્રાએ કરી હતી મદદ
તારિણીએ પ્રખ્યાત ‘હશેલ માર્ટિનેઝ’ (Hotel Martinez) નો પણ ઉલ્લેખ કર્યો, જ્યાં બોલિવૂડની મોટાભાગની હિરોઈનો બાલ્કની અને દાદર પર ફોટોશૂટ કરાવે છે. આ હોટેલમાં માત્ર એક રાત રોકાવાનું ભાડું ૨ થી ૩ લાખ છે. તારિણીએ જણાવ્યું કે તેનો આ પ્રવાસ સ્પોન્સર્ડ હતો, નહીં તો આટલો મોટો ખર્ચ ઉઠાવવો અશક્ય હતો. આ સિવાય, આફ્ટર પાર્ટી માટે જ્યારે તે સાડી નહોતી પહેરી શકતી, ત્યારે ફેમસ ડિઝાઈનર મનીષ મલ્હોત્રાએ પોતાની ટીમમાંથી એક વ્યક્તિને તેની મદદ માટે મોકલ્યો હતો.
👉 આ સમાચાર વાચો:
‘Maa Behen’ teaser out। માધુરી દીક્ષિતના ખાસ દિવસે સામે આવી ‘મા બહેન’ ની પહેલી ઝલક; નોટ કરી લો રિલીઝ ડેટ અને પ્લેટફોર્મનું નામ!
