News Continuous Bureau | Mumbai
‘ધ કાશ્મીર ફાઇલ્સ’ની શાનદાર સફળતા પછી, દિગ્દર્શક વિવેક અગ્નિહોત્રીની ‘ધ વેક્સીન વોર’ ટૂંક સમયમાં જ સિનેમાઘરોમાં આવવાની છે. ફિલ્મની જાહેરાત થઈ ત્યારથી જ ચાહકો તેની આતુરતાથી રાહ જોઈ રહ્યા છે. હાલમાં જ તેના છેલ્લા શેડ્યૂલનું શૂટિંગ શરૂ થયું છે. આ દરમિયાન વિવેકે ફિલ્મને લગતું એક મોટું અપડેટ આપ્યું છે.
ધ વેક્સીન વોર માં થઇ રાયમા સેન ની એન્ટ્રી
ડિરેક્ટરે સોશિયલ મીડિયા પર જણાવ્યું છે કે હવે ફિલ્મની કાસ્ટમાં રાયમા સેનનું નામ પણ જોડાઈ ગયું છે. હાલમાં જ તેણે પોતાના ટ્વિટર એકાઉન્ટ પરથી એક વીડિયો શેર કર્યો છે. આ વીડિયોમાં તે રાયમાનો પરિચય કરાવતો જોવા મળે છે અને કહે છે કે અભિનેત્રી પણ હવે ફિલ્મનો ભાગ બની ગઈ છે. તમને જણાવી દઈએ કે આ ફિલ્મમાં નાના પાટેકર અને અનુપમ ખેર જેવા જાણીતા કલાકારો પણ જોવા મળવાના છે.’ધ વેક્સીન વોર’ પહેલા વિવેકે ‘ધ કાશ્મીર ફાઇલ્સ’ બનાવી હતી. આ ફિલ્મ બોક્સ ઓફિસ પર બ્લોકબસ્ટર સાબિત થઈ હતી.
Look, who joined the cast of #TheVaccineWar. #ATrueStory pic.twitter.com/p4zJKVAwpz
— Vivek Ranjan Agnihotri (@vivekagnihotri) June 14, 2023
ધ વેક્સીન વોર ની વાર્તા
ફિલ્મની વાર્તા કોરોનાની રસીની આસપાસ વણાયેલી છે. આ ફિલ્મ COVID-19 રોગચાળાના અનિશ્ચિત સમયમાં તબીબી સમુદાય અને વૈજ્ઞાનિકોના સમર્પણને શ્રદ્ધાંજલિ તરીકે સમર્પિત છે. આ ફિલ્મ આ દશેરાએ હિન્દી, અંગ્રેજી, બંગાળી, પંજાબી, ભોજપુરી, કન્નડ, તમિલ, તેલુગુ, મલયાલમ, ગુજરાતી અને મરાઠીમાં રિલીઝ થવાની છે.
આ સમાચાર પણ વાંચો: ફરી પ્રેમ માં પડી ડ્રામા ક્વીન રાખી સાવંત! , દુબઈમાં મળ્યો નવો બોયફ્રેન્ડ, આદિલ થી છૂટાછેડા પર કહી આ વાત
