News Continuous Bureau | Mumbai
Daldal Trailer Release: બોલીવુડ અભિનેત્રી ભૂમિ પેડણેકર અત્યારે પોતાની આગામી વેબ સીરીઝ ‘દલદલ’ ને લઈને ભારે ચર્ચામાં છે. મેકર્સ દ્વારા આ સીરીઝનું લેટેસ્ટ ટ્રેલર રિલીઝ કરવામાં આવ્યું છે, જે અત્યંત હિંસક અને રહસ્યમયી છે. સીરીયલ કિલર જોનરની આ સીરીઝનું ટ્રેલર જોઈને નબળા દિલના લોકોના કાળજા કાંપી ઉઠશે.એમેઝોન પ્રાઇમ વિડિયોએપોતાના સોશિયલ મીડિયા હેન્ડલ પર આ 1 મિનિટ 52 સેકન્ડનું ટ્રેલર શેર કર્યું છે. ટ્રેલરમાં સસ્પેન્સ અને વાયોલન્સનો એવો તડકો લગાવવામાં આવ્યો છે જે સિનેપ્રેમીઓની ઉત્સુકતાને સાતમા આસમાને પહોંચાડી રહ્યો છે.
આ સમાચાર પણ વાંચો : Border 2 Story Leak: દુશ્મનોના છક્કા છોડાવવા સન્ની દેઓલ તૈયાર! ‘બોર્ડર 2’ માં જોવા મળશે 1971 ના યુદ્ધનું સૌથી ભયાનક સત્ય, જાણો શું હતું પાકિસ્તાનનું કાવતરું
મુંબઈના રહસ્યમયી મર્ડર અને સીરીયલ કિલર
ટ્રેલરમાં બતાવવામાં આવ્યું છે કે મુંબઈમાં એક પછી એક હત્યાઓ થઈ રહી છે, જેમાં પુરુષોને અત્યંત ક્રૂર રીતે મોતને ઘાટ ઉતારવામાં આવે છે. કિલર હત્યા કરવાની અનોખી અને ડરામણી રીતો અપનાવે છે – ક્યારેક મોઢામાં ચિકન ઠાંસી દે છે તો ક્યારેક મોબાઈલ ફોન. આ તમામ હત્યાઓ પાછળ કોઈ સીરીયલ કિલરનો હાથ છે, જેને પકડવા માટે પોલીસ મથી રહી છે.ભૂમિ પેડણેકર આ સીરીઝમાં એક મહિલા પોલીસ ઓફિસરની ભૂમિકા ભજવી રહી છે. જોકે, ટ્રેલરની કેટલીક ઝલક એવી શંકા પેદા કરે છે કે શું તે દિવસે પોલીસની નોકરી કરે છે અને રાત્રે પોતે જ આ મર્ડર કરે છે? આ ‘ડાર્ક સેડ’ સીરીઝનું મુખ્ય આકર્ષણ છે. જોકે, આ રહસ્ય પરથી પડદો તો સીરીઝ રિલીઝ થયા પછી જ ઉઠશે.
‘દલદલ’ વેબ સીરીઝ 30 જાન્યુઆરી 2026 ના રોજ એમેઝોન પ્રાઇમ વિડિયો પર ઓનલાઇન સ્ટ્રીમ કરવામાં આવશે. સુરેશ ત્રિવેણીના નિર્દેશનમાં બનેલી આ સીરીઝમાં ભૂમિ ઉપરાંત આદિત્ય રાવલ અને સમારા તિજોરી પણ મહત્વની ભૂમિકામાં જોવા મળશે. જો તમે ડાર્ક થ્રિલર અને સસ્પેન્સના શોખીન હોવ, તો આ સીરીઝ તમારા માટે મસ્ટ-વોચ છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
