News Continuous Bureau | Mumbai
Dheeraj Dhoopar Lock Upp 2 Entry ટેલિવિઝન જગતની ક્વીન એકતા કપૂર પોતાના અત્યંત લોકપ્રિય અને વિવાદિત રિયાલિટી શો ‘લોકઅપ’ ની બીજી સીઝન સાથે ધૂમ મચાવવા માટે સંપૂર્ણ તૈયાર છે. ‘લોકઅપ ૨ સચ યા સઝા’ (Lock Upp 2) આ વખતે ઓટીટી પ્લેટફોર્મ નેટફ્લિક્સ પર રિલીઝ થવાનો છે, જેને લઈને ચાહકોમાં ભારે ઉત્સુકતા છે. શિવાંગી જોશી અને રામ કપૂર જેવા દિગ્ગજોના નામ કન્ફર્મ થયા બાદ હવે આ શોમાં ટીવીના સુપરસ્ટાર અને ‘કુંડલી ભાગ્ય’ ફેમ અભિનેતા ધીરજ ધૂપરની પણ સત્તાવાર એન્ટ્રી થઈ ચૂકી છે.
Dheeraj Dhoopar Lock Upp 2 Entry – ધીરજ ધૂપરે પ્રોમો વીડિયો શેર કરી ફેન્સને આપ્યું મોટું સરપ્રાઈઝ
લોકઅપ ૨’ માં ધીરજ ધૂપરની એન્ટ્રી પર આખરી મહોર વાગી ગઈ છે અને શોના મેકર્સ દ્વારા તેનો એક શાનદાર પ્રોમો વીડિયો પણ સોશિયલ મીડિયા પર રિલીઝ કરવામાં આવ્યો છે. આ પ્રોમો વીડિયોમાં ધીરજનો કિલર સ્વેગ અને સ્ટાઈલ જોવા મળી રહી છે, જેણે સોશિયલ મીડિયા પર આતશબાજી મચાવી દીધી છે. વીડિયો શેર કરતા ધીરજે કેપ્શનમાં લખ્યું છે કે, “તમે લોકોએ મને બોલાવ્યો અને હું આવી ગયો.” આ પ્રોમો સામે આવ્યા બાદ સોશિયલ મીડિયા પર કલાકારો અને ચાહકો તેને નવા સફર માટે અભિનંદન આપી રહ્યા છે.
Dheeraj Dhoopar Lock Upp 2 Entry – પાત્ર પાછળ છુપાયેલા અસલી ચહેરાને ઓળખવાનો સમય આવી ગયો છે: ધીરજ
ધીરજ ધૂપર પોતાના આ બીજા મોટા રિયાલિટી શોમાં પોતાનો અસલી મિજાજ બતાવવા માટે સંપૂર્ણ રીતે સજ્જ છે. આ પહેલા તેણે ડાન્સ રિયાલિટી શો ‘ઝલક દિખલા જા ૧૦’ માં ભાગ લીધો હતો. પોતાના પ્રોમો વીડિયોમાં ધીરજ ધૂપર ખૂબ જ આત્મવિશ્વાસ સાથે કહેતો જોવા મળે છે કે, “લોકોએ અત્યાર સુધી મને માત્ર મારા ઓન-સ્ક્રીન પાત્રો (જેમ કે કરણ લુથરા) થી જ ઓળખ્યો છે, પરંતુ હવે સમય આવી ગયો છે કે તેઓ એક્ટરની પાછળ છુપાયેલા અસલી ચહેરા અને વ્યક્તિત્વને પણ નજીકથી ઓળખે.”
Death Dhoopar Lock Upp 2 Entry – ફરાહ ખાન અને રિતેશ દેશમુખ કરશે હોસ્ટ, ૨૭ જૂનથી શરૂ થશે શો
આ વર્ષે ‘લોકઅપ ૨’ માં મોટો ફેરફાર જોવા મળશે, કારણ કે આ સીઝનને બોલિવૂડ ડિરેક્ટર ફરાહ ખાન અને અભિનેતા રિતેશ દેશમુખ હોસ્ટ કરવાના છે. આ શોની ભવ્ય શરૂઆત ૨૭ જૂન ૨૦store૬ થી નેટફ્લિક્સ પર થવા જઈ રહી છે, જે દર શનિવારથી બુધવાર રાત્રે ૮ વાગ્યે ટેલિકાસ્ટ કરવામાં આવશે. આ જેલ જેવા સેટઅપમાં કુલ ૧૨ સેલિબ્રિટી કન્ટેસ્ટન્ટ્સ કેદ થશે, જેમાં શિવાંગી જોશી, રામ કપૂર અને ધીરજ ધૂપર ઉપરાંત સુનિતા આહુજા, આકાંક્ષા ચૌધરી, યોગેશ રાવત અને કુશા કપિલા જેવા સોશિયલ મીડિયા સ્ટાર્સના નામ પણ ચર્ચામાં છે.
👉 આ સમાચાર વાચો:
Rajkumar Hirani 3 Idiots Sequel રેંચો, રાજુ અને ફરહાન ફરી ધમાકો કરવા તૈયાર! ‘૩ ઇડિયટ્સ’ ની સિક્વલને લઈને રાજકુમાર હિરાનીની મોટી જાહેરાત
