Site icon News Continuous Bureau | Mumbai

Dhurandhar 2 OTT| સરહદ પાર પણ ‘ધુરંધર ૨’ નો દબદબો પાકિસ્તાની વાચકો તૂટી પડતા ઓટીટી સર્વર ક્રેશ, ૨૪ કલાકમાં રેકોર્ડબ્રેક વ્યુઝ

Dhurandhar 2 OTT| રણવીર સિંહની સ્પાંય એક્શન થ્રિલર ફિલ્મ ‘ધુરંધર ધ રિવેન્જ’નો પાકિસ્તાનમાં જોવા મળ્યો જબરદસ્ત ક્રેઝ, નેટફ્લિક્સ પર બની નંબર ૧ ટ્રેન્ડિંગ ફિલ્મ

Dhurandhar 2 OTT|  સરહદ પાર પણ ‘ધુરંધર ૨’ નો દબદબો પાકિસ્તાની વાચકો તૂટી પડતા ઓટીટી સર્વર ક્રેશ, ૨૪ કલાકમાં રેકોર્ડબ્રેક વ્યુઝ

Dhurandhar 2 OTT| સરહદ પાર પણ ‘ધુરંધર ૨’ નો દબદબો પાકિસ્તાની વાચકો તૂટી પડતા ઓટીટી સર્વર ક્રેશ, ૨૪ કલાકમાં રેકોર્ડબ્રેક વ્યુઝ

 

News Continuous Bureau | Mumbai

Join Our WhatsApp Channel

Dhurandhar 2 OTT| અભિનેતા રણબીર સિંહના કરિયરની સૌથી મોટી બ્લોકબસ્ટર સ્પાય એક્શન થ્રિલર ફિલ્મ ‘ધુરંધર ધ રિવેન્જ’નો ક્રેઝ ભારત કરતાં પાકિસ્તાનમાં વધુ જોવા મળી રહ્યો છે. બોક્સ ઓફિસ પર સફળતાપૂર્વક ૫૬ દિવસ પૂર્ણ કર્યા બાદ આ ફિલ્મ ૧૫ મેના રોજ ઇન્ટરનેશનલ લેવલ પર ઓટીટી પ્લેટફોર્મ પર રિલીઝ કરવામાં આવી હતી. ફિલ્મ રિલીઝ થતાં જ પાકિસ્તાનમાં તેને જોવા માટે એટલી ભારે ભીડ ઉમટી પડી કે સોશિયલ મીડિયા પર નેટફ્લિક્સનું સર્વર ક્રેશ થઈ ગયું હોવાની ચર્ચાઓ શરૂ થઈ ગઈ હતી. પાકિસ્તાનના એક જાણીતા કન્ટેન્ટ ક્રિએટરે વિડિયો શેર કરીને દાવો કર્યો છે કે લોકો રાત્રે ૧૨ વાગ્યાથી જ આ ફિલ્મની આતુરતાથી રાહ જોઈ રહ્યા હતા.

પાકિસ્તાની કન્ટેન્ટ ક્રિએટરે વિડિયો શેર કરીને કર્યો દાવો

પાકિસ્તાની સોશિયલ મીડિયા ક્રિએટર એ ઇન્સ્ટાગ્રામ પર એક વિડિયો શેર કરીને જણાવ્યું કે પાકિસ્તાનમાં ‘ધુરંધર ૨’ રિલીઝ થતાં જ પ્લેટફોર્મનું સર્વર ડાઉન થઈ ગયું હતું. લોકો રાતથી જ આ ફિલ્મ ઓટીટી પર આવવાની રાહ જોતા હતા અને જેવી ફિલ્મ સ્ટ્રીમ થઈ, હજારો લોકોએ એક સાથે ક્લિક કર્યું જેના કારણે વિડિયો વારંવાર બફર થઈ રહ્યો હતો. ક્રિએટરે પુરાવા સાથે બતાવ્યું કે તેમના ઇન્ટરનેટ કનેક્શનમાં કોઈ ખામી નહોતી પરંતુ સમસ્યા ઓટીટી પ્લેટફોર્મ તરફથી જ હતી. જોકે, આ સર્વર ક્રેશ અંગે હજુ સુધી નેટફ્લિક્સ તરફથી કોઈ સત્તાવાર નિવેદન બહાર આવ્યું નથી.

પાકિસ્તાનના લ્યારી વિસ્તારની આતંકવાદી નેટવર્ક પર આધારિત છે વાર્તા

આ ફિલ્મ હાલમાં પાકિસ્તાનમાં નેટફ્લિક્સ પર નંબર ૧ પર ટ્રેન્ડ કરી રહી છે, જે જોઈને ભારતીય ફેન્સ પણ સોશિયલ મીડિયા પર જોરદાર પ્રતિક્રિયાઓ આપી રહ્યા છે. જો ફિલ્મની વાર્તાની વાત કરીએ તો તે જસ્કીરત સિંહ રંગી ઉર્ફે હમઝા અલી મઝારી નામના એક અંડરકવર એજન્ટની આસપાસ ફરે છે. તેને પાકિસ્તાનના અત્યંત ખતરનાક ગણાતા લ્યારી વિસ્તારમાં આતંકવાદી નેટવર્કનો સફાયો કરવાના મિશન પર મોકલવામાં આવે છે. આ મિશન પાર પાડવા માટે તે પોતાની અસલી ઓળખ છુપાવીને ત્યાંની બલોચ ગેંગમાં સામેલ થાય છે અને દુશ્મનોની વચ્ચે રહીને દેશ માટે કામ કરે છે.

જાણો ભારતમાં ક્યારે અને કયા પ્લેટફોર્મ પર રિલીઝ થશે આ ફિલ્મ

ડાયરેક્ટર આદિત્ય ધરના નિર્દેશનમાં બનેલી આ ફિલ્મમાં રણવીર સિંહ ઉપરાંત અક્ષય ખન્ના, સંજય દત્ત, અર્જુન રામપાલ, આર. માધવન અને સારા અર્જુન જેવા દિગ્ગજ કલાકારો છે. આ ફિલ્મના પહેલા ભાગે વિશ્વભરમાં ૧૪૦૦ કરોડ રૂપિયાની કમાણી કરી હતી, જ્યારે બીજા ભાગે બોક્સ ઓફિસ પર ધમાલ મચાવતા ૧૮૦૦ કરોડ રૂપિયાથી વધુનો બિઝનેસ કર્યો છે. ભારતીય દર્શકો માટે આ ફિલ્મ ૪ જૂન ૨૦૨૬ના રોજ જીઓ હોટસ્ટાર પર રિલીઝ કરવામાં આવશે. આ ઇન્ટરનેશનલ વર્ઝનને ‘ધુરંધર ૨: રો એન્ડ અનકટ’ એડિશન નામ આપવામાં આવ્યું છે, જેમાં થિયેટરમાંથી હટાવેલા કેટલાક ડાર્ક અને હિંસક સીન્સ પણ જોવા મળશે.

👉 આ સમાચાર વાચો:
Shakti Shalini Release| મહાક્લેશ ટળ્યો! શાહરૂખ ખાનની ફિલ્મ સામેથી હટી ‘શક્તિ શાલિની’, હવે આ દિવસે થિયેટરો ધ્રુજાવશે આ હોરર ફિલ્મ

Nitish Bharadwaj Ranbir Kapoor Ramayana ‘મહાભારત’ ના શ્રીકૃષ્ણ નીતિશ ભારદ્વાજે રણબીર કપૂરની ‘રામાયણ’ ને ગણાવી ‘એજન્ડા ફિલ્મ’ ફંડિંગ પર પણ ઉઠાવ્યા ગંભીર સવાલ
TV Actor Cheated ટીવી અભિનેતા આયુષ શાહ સાથે ₹૪.૪૪ કરોડની રોકાણ છેતરપિંડી મુંબઈમાં કોર્ટના આદેશ બાદ ૫ લોકો વિરુદ્ધ ગુનો દાખલ
Samantha Ruth Prabhu Welcomes Baby Boy સામંથા રૂથ પ્રભુ અને રાજ નિદિમોરુના ઘરે ગુંજી કિલકારી પુત્રને આપ્યો જન્મ, શુભેચ્છાઓનો વરસાદ!
Ranbir Kapoor Ramayana Part 3 Update શું રણબીર કપૂરની ‘રામાયણ’ નો ત્રીજો ભાગ પણ બનશે? આ અભિનેતાએ આપ્યો સંકેત…
Exit mobile version