News Continuous Bureau | Mumbai
Dhurandhar 2: આદિત્ય ધરની સ્પાય થ્રિલર ‘ધુરંધર: ધ રિવન્જ’ એક તરફ બોક્સ ઓફિસ પર રેકોર્ડ તોડી રહી છે, તો બીજી તરફ તે રાજકીય વિવાદના ઘેરામાં આવી છે. સોશિયલ મીડિયા પર કેટલાક યુઝર્સ આ ફિલ્મને વર્તમાન સરકારનું ‘પ્રોપેગેન્ડા’ અથવા ‘પ્રમોશન’ ગણાવી રહ્યા છે. આ ચર્ચામાં અચાનક 1980ની સુપરહિટ ફિલ્મ ‘કુર્બાની’ ના એક જૂના વીડિયોની એન્ટ્રી થતા વિવાદ વધુ વકર્યો છે.
આ સમાચાર પણ વાંચો : Dhurandhar Movie Exam Question: પરીક્ષાના પેપરમાં ‘ધુરંધર 2’ની ધમાકેદાર એન્ટ્રી! હમઝા અને રહેમાન ડકૈત પર પૂછાયો સવાલ
શું છે ‘કુર્બાની’ ફિલ્મ સાથેનું કનેક્શન?
સોશિયલ મીડિયા પર વાયરલ થઈ રહેલા 46 વર્ષ જૂના વીડિયોમાં ફિલ્મ ‘કુર્બાની’ની શરૂઆતમાં પૂર્વ વડાપ્રધાન ઈન્દિરા ગાંધી અને સંજય ગાંધીને શ્રદ્ધાંજલિ આપવામાં આવી છે. વીડિયોમાં અભિનેતા ફિરોઝ ખાનનો અવાજ સંભળાય છે, જેમાં તેઓ ઈન્દિરા ગાંધીને ‘આયર્ન લેડી’ અને સંજય ગાંધીને ‘સૂતેલા રાજકુમાર’ કહીને સંબોધે છે.તે સમયે ફિલ્મની કમાણી સરકારને દાનમાં આપવામાં આવી હતી.હવે લોકો આ વીડિયોને શેર કરીને દલીલ કરી રહ્યા છે કે બોલિવૂડમાં ફિલ્મો દ્વારા રાજકીય પક્ષો કે નેતાઓની છબી સુધારવાનો પ્રયાસ દાયકાઓ જૂનો છે.
Dear GenZ,
This is the beginning of the 1980 Hindi movie Qurbani
You should see this
I have no further comments. pic.twitter.com/auRxqblYdg
— Abhishek (@AbhishBanerj) March 28, 2026
‘ધુરંધર 2’ માં રણવીર સિંહ (હમઝા) ના કેટલાક એવા સીન અને ડાયલોગ છે જે વર્તમાન સરકારની નીતિઓ અને દેશની મજબૂત છબીને પ્રોજેક્ટ કરે છે. ટીકાકારોનું કહેવું છે કે આ ફિલ્મ જાણી જોઈને ચોક્કસ એજન્ડા હેઠળ બનાવવામાં આવી છે. જોકે, ફેન્સનું માનવું છે કે આ માત્ર એક દેશભક્તિથી પ્રેરિત એક્શન ફિલ્મ છે અને તેને રાજકારણ સાથે જોડવી ખોટું છે.અત્યાર સુધી ફિલ્મ ‘ધુરંધર 2’ ના ડાયરેક્ટર આદિત્ય ધર કે મુખ્ય કલાકારોએ આ ‘પ્રોપેગેન્ડા’ વિવાદ પર કોઈ સત્તાવાર નિવેદન આપ્યું નથી. પરંતુ જે રીતે ફિલ્મ દરરોજ નવા રેકોર્ડ બનાવી રહી છે, તે જોતા લાગે છે કે પ્રેક્ષકોને વિવાદ કરતા ફિલ્મની વાર્તા અને એક્શનમાં વધુ રસ છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
