News Continuous Bureau | Mumbai
Dhurandhar 2 First Review: આદિત્ય ધરના નિર્દેશનમાં બનેલી ફિલ્મ ‘ધુરંધર: ધ રિવન્જ’ (Dhurandhar 2) બોક્સ ઓફિસ પર ધમાકો કરવા માટે તૈયાર છે. રણવીર સિંહ, સંજય દત્ત, આર. માધવન અને અર્જુન રામપાલ જેવા દિગ્ગજોથી સજેલી આ ફિલ્મની લોકો આતુરતાથી રાહ જોઈ રહ્યા છે. આ દરમિયાન ફિલ્મમાં મહત્વની ભૂમિકા ભજવનાર એક્ટર દાનિશ પંડોરે ફિલ્મના રિવ્યુ અને શૂટિંગના અનુભવો શેર કરીને ચાહકોમાં ઉત્તેજના વધારી દીધી છે.દાનિશ પંડોરે એક ઇન્ટરવ્યુમાં જણાવ્યું હતું કે આ ફિલ્મ માત્ર એક્શન નથી, પરંતુ એક અદભૂત સિનેમેટિક અનુભવ છે. ફિલ્મના એડવાન્સ બુકિંગના આંકડા જોઈને અત્યારથી જ સાબિત થઈ ગયું છે કે આ વર્ષની સૌથી મોટી હિટ સાબિત થશે.
આ સમાચાર પણ વાંચો : Cocktail 2 Release Date Out: ‘શાહિદ-કૃતિ સાથે રશ્મિકાની ધમાકેદાર એન્ટ્રી! ‘કૉકટેલ 2’નો ફર્સ્ટ લુક વાયરલ, જાણો કયા દિવસે થિયેટરમાં મચશે ધૂમ
આદિત્ય ધરની લેખનશૈલીના કર્યા વખાણ
મીડિયા સાથે વાત કરતા દાનિશ પંડોરે કહ્યું કે, “હું કસમ ખાઈને કહી શકું છું કે ફિલ્મના બીજા ભાગમાં જોવા માટે ઘણું બધું છે. આદિત્ય ધરે આ ફિલ્મની સ્ક્રિપ્ટ ખૂબ જ સુંદર રીતે લખી છે. આદિત્ય પોતે રામ ગોપાલ વર્માના મોટા ફેન છે અને તેમણે ‘શિવા’ જેવી ફિલ્મો અનેકવાર જોઈ છે, જેની અસર તેમના કામમાં જોવા મળે છે. આદિત્ય ધરે મને ‘ધુરંધર 2’ માં કાસ્ટ કરીને મારું જીવન બદલી નાખ્યું છે.”
રણવીર સિંહ વિશે વાત કરતા દાનિશ પંડોરે જણાવ્યું કે, “રણવીરની એનર્જી કમાલની છે. મેં ફિલ્મમાં મારા 94 ટકા સીન્સ રણવીર સાથે જ શૂટ કર્યા છે. તે સેટ પર તમારું ખૂબ ધ્યાન રાખે છે અને પોતાની સાથે ઉભેલા કલાકારને પણ ચમકવાની તક આપે છે. તે એટલો કોન્ફિડન્ટ એક્ટર છે કે સીન દરમિયાન તે મને પણ નવા ઇનપુટ્સ આપતો હતો.”દાનિશના રિવ્યુ બાદ ચાહકો હવે એ જોવા માંગે છે કે શું આદિત્ય ધર ફરી એકવાર ‘ઉરી’ જેવો જાદુ ચલાવી શકશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
