News Continuous Bureau | Mumbai
Dhurandhar 2 CBFC Cuts: સુપરસ્ટાર રણવીર સિંહની ફિલ્મ ‘ધુરંધર: ધ રિવિંજ’ રિલીઝ માટે તૈયાર છે, પરંતુ સેન્સર બોર્ડે ફિલ્મના હિંસક કન્ટેન્ટને કારણે તેને ‘A’ (Adults Only) સર્ટિફિકેટ આપ્યું છે. આનો અર્થ એ છે કે ૧૮ વર્ષથી ઓછી ઉંમરના બાળકો થિયેટરમાં આ ફિલ્મ જોઈ શકશે નહીં. રિપોર્ટ મુજબ, ફિલ્મને રિલીઝ કરવા માટે મેકર્સને ૨૧ કટ અને ફેરફારો કરવાની સૂચના આપવામાં આવી છે. સેન્સર બોર્ડે કુલ ૯૪ સેકન્ડ એટલે કે ૧ મિનિટ ૩૪ સેકન્ડના ફૂટેજ પર કાતર ફેરવી છે.સેન્સર બોર્ડ દ્વારા જે સીન્સ અને શબ્દો પર વાંધો ઉઠાવવામાં આવ્યો છે તેની વિગતો નીચે મુજબ છે:
આ સમાચાર પણ વાંચો : Vijay and Trisha Krishnan Wedding Rumors:વિજય અને તૃષા કૃષ્ણન ટૂંક સમયમાં કરશે લગ્ન? અભિનેત્રીની માતાના એક રિએક્શનથી સોશિયલ મીડિયા પર અટકળો તેજ
કયા હિંસક દ્રશ્યો પર ચાલી કાતર?
ફિલ્મમાં હિંસાનું સ્તર એટલું ઊંચું હતું કે ૪ મુખ્ય સીન્સમાં આશરે ૩૪ સેકન્ડની ક્લિપ ઓછી કરવામાં આવી છે:
- હથોડાથી હુમલો: માથા પર હથોડા મારવાના સીનને ૨ સેકન્ડ ટૂંકાવ્યો છે.
- સીમેન્ટ બ્લોક: સીમેન્ટ બ્લોકથી થતા હુમલાને ૪ સેકન્ડ નાનો કરવામાં આવ્યો છે.
- આંખો કચડવી: આંખો કચડવાના ભયાનક સીનને પણ ૪ સેકન્ડ ટૂંકાવ્યો છે.
- સૌથી મોટો કટ: માથું કાપવા અને લાત મારવાના સીન્સમાંથી કુલ ૨૪ સેકન્ડનું ફૂટેજ હટાવી દેવામાં આવ્યું છે.
- ડિસ્ક્લેમર: ફિલ્મના પ્રારંભમાં ‘ડ્રગ્સ’ અને ‘ડિસ્ટર્બિંગ કન્ટેન્ટ’ અંગેનું ડિસ્ક્લેમર ઉમેરવા આદેશ અપાયો છે.
સેન્સર બોર્ડે ફિલ્મની ભાષા પર પણ કડક વાંધો ઉઠાવ્યો છે. અનેક વાંધાજનક શબ્દો અને ગાળોને કાં તો મ્યુટ કરવામાં આવ્યા છે અથવા બદલી નાખવામાં આવ્યા છે. બે જગ્યાએ પાત્રોના નામ પણ બદલાયા છે. આ સિવાય સબ-ટાઈટલ્સમાં ઐતિહાસિક ઘટનાઓ અને શહેરના નામ સુધારવા, વડાપ્રધાનના સંદર્ભ માટે પરવાનગી પત્ર અને પ્રાણીઓના સીન્સ માટે AWBI નું સર્ટિફિકેટ રજૂ કરવા જણાવાયું છે.આટલા બધા કટ હોવા છતાં, ફિલ્મનો કુલ રનટાઈમ ૨૨૯.૦૬ મિનિટ એટલે કે ૩ કલાક ૪૯ મિનિટ અને ૬ સેકન્ડ છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
