News Continuous Bureau | Mumbai
Dhurandhar Box Office : રણવીર સિંહ સ્ટારર અને આદિત્ય ધર દ્વારા નિર્દેશિત ફિલ્મ ‘ધુરંધર’ ભારતીય સિનેમાના ઈતિહાસની સૌથી મોટી બ્લોકબસ્ટર ફિલ્મોમાંની એક બની ગઈ છે. આ એક્સાઈટિંગ સ્પાય થ્રિલરમાં અક્ષય ખન્ના, સંજય દત્ત અને આર માધવન જેવા દિગ્ગજ કલાકારો પણ છે. રિલીઝને એક મહિનાથી વધુ સમય વીતી ગયો હોવા છતાં, આ ફિલ્મ હજુ પણ સિનેમાઘરોમાં અડીખમ ઉભી છે. પ્રભાસની ફિલ્મ ‘ધ રાજા સાબ’ સાથેની ટક્કર છતાં આ ફિલ્મના કલેક્શન પર કોઈ ખાસ અસર પડી નથી.
આ સમાચાર પણ વાંચો : Tanhaji 2: અજય દેવગનની એક પોસ્ટે મચાવ્યો ખળભળાટ! ‘વાર્તા હજુ પૂરી નથી થઈ…’ શું હવે આવશે ‘તાન્હાજી 2’? ચાહકોમાં ભારે ઉત્તેજના
છઠ્ઠા સોમવારે પણ કમાણીમાં દમદાર દેખાવ
ગયા વર્ષે 5 ડિસેમ્બરે રિલીઝ થયેલી ‘ધુરંધર’ હવે તેના અંતિમ તબક્કામાં હોવા છતાં કરોડોમાં કમાણી કરી રહી છે. સૈકનિલ્કના અહેવાલ મુજબ, ફિલ્મે તેના 39માં દિવસે એટલે કે છઠ્ઠા સોમવારે 2.25 કરોડની કમાણી કરી છે. આ સાથે ભારતમાં ફિલ્મનું કુલ કલેક્શન (Collection) હવે 807.90 કરોડ રૂપિયા થઈ ગયું છે. દોઢ મહિનો પૂરો થવા આવ્યો હોવા છતાં સિંગલ ડિજિટમાં પણ કરોડોની કમાણી કરવી એ ખરેખર આશ્ચર્યજનક બાબત માનવામાં આવી રહી છે.
ઘરેલું અને વિદેશી બજારની કમાણીને જોડીએ તો, આ ફિલ્મે ગ્લોબલ બોક્સ ઓફિસ પર 1300 કરોડ રૂપિયાનો આંકડો સરળતાથી પાર કરી લીધો છે. અત્યાર સુધીની સૌથી વધુ કમાણી કરનારી ભારતીય ફિલ્મોની યાદીમાં હવે ‘ધુરંધર’ ચોથા સ્થાને છે. આ યાદીમાં તે માત્ર દંગલ (2070 કરોડ), બાહુબલી-2 (1788 કરોડ) અને પુષ્પા 2: ધ રૂલ (1742 કરોડ) થી પાછળ છે. ફિલ્મની મજબૂત સ્ક્રિપ્ટ અને દમદાર એક્ટિંગના કારણે દર્શકો વારંવાર થિયેટરો તરફ ખેંચાઈ રહ્યા છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
