News Continuous Bureau | Mumbai
Danish Pandor: આદિત્ય ધરની ફિલ્મ ‘ધુરંધર’ બોક્સ ઓફિસ પર ધૂમ મચાવી રહી છે ત્યારે રણવીર સિંહ અને અક્ષય ખન્નાની સાથે અન્ય કલાકારો પણ લોકોનું ધ્યાન ખેંચી રહ્યા છે. ફિલ્મમાં રહેમાન ડકૈત ના પિતરાઈ ભાઈ ‘ઉઝૈર બલોચ’નું શક્તિશાળી પાત્ર ભજવનાર અભિનેતા દાનિશ પંડોર અત્યારે ચર્ચામાં છે. દાનિશના જન્મદિવસ નિમિત્તે અભિનેત્રી અહાના કુમરાએ કરેલી એક ખાસ સોશિયલ મીડિયા પોસ્ટે બંને વચ્ચેના ડેટિંગની અફવાઓને વેગ આપ્યો છે.
આ સમાચાર પણ વાંચો : Kumar Sanu Defamation Case: શું કુમાર સાનુ અને રીતા વચ્ચેની લડાઈ વધુ વકરશે? પૂર્વ પત્નીએ સિંગરના પિતા તરીકેના રોલ પર ઉઠાવ્યા ગંભીર સવાલો
અહાના કુમરા એ શેર કરી તસવીરો
અહાના કુમરાએ ઇન્સ્ટાગ્રામ પર દાનિશ સાથેની કેટલીક અજાણી અને સુંદર તસવીરો શેર કરી છે. આ તસવીરોની સાથે તેણે એક લાંબી અને દિલને સ્પર્શી જાય તેવી નોટ પણ લખી છે. અહાનાએ લખ્યું કે, “હું જેમને જાણું છું તેવા સૌથી દયાળુ છોકરાને જન્મદિવસની ખૂબ ખૂબ શુભેચ્છાઓ! હેપ્પી બર્થડે DP! હું પ્રાર્થના કરું છું કે તારા દિલની દરેક ઈચ્છા પૂરી થાય.”અહાનાએ પોતાની પોસ્ટમાં આગળ લખ્યું કે, “ભગવાન કરે જિંદગી હંમેશા તારા પર મહેરબાન રહે અને તને એ તમામ પ્રેમ, સફળતા અને ખુશી મળે જેના તું હકદાર છે. તારું આ વર્ષ ‘ધુરંધર’ જેવું જ શાનદાર રહે ડેની બોય!” આ પોસ્ટમાં અહાનાએ હાર્ટ ઇમોજી અને સેલિબ્રેશન ઇમોજીનો ઉપયોગ કર્યો છે, જેને જોઈને ફેન્સ અનુમાન લગાવી રહ્યા છે કે બંને વચ્ચે મિત્રતા કરતા કંઈક વધુ છે.
દાનિશ પંડોરે ફિલ્મની સફળતા અને પોતાના જન્મદિવસ પર વાત કરતા જણાવ્યું કે, “ધુરંધરની સફળતાએ બધું જ બદલી નાખ્યું છે. ગત વર્ષે હું મારા જન્મદિવસ પર આ ફિલ્મનું શૂટિંગ કરી રહ્યો હતો.” રોલ વિશે વાત કરતા તેણે કાસ્ટિંગ ડિરેક્ટર મુકેશ છાબડા અને ડિરેક્ટર આદિત્ય ધરનો આભાર માન્યો હતો. તેણે કહ્યું કે મુકેશ ભાઈએ લીધેલું ઓડિશન આદિત્ય સરને ગમ્યું અને તેમણે દાનિશ પર ભરોસો મૂક્યો.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
