News Continuous Bureau | Mumbai
Don 3 Recasting Rumors। બોલિવૂડ સુપરસ્ટાર રણવીર સિંહ માટે તેમની મોસ્ટ અવેટેડ ફિલ્મ ‘ડોન ૩’ (Don 3) ખુશીઓના બદલે મોટી મુશ્કેલી લઈને આવી છે. ફિલ્મ ધુરંધર ની સફળતા બાદ રણવીર સિંહના ખાતામાં આ ફિલ્મ લાંબા સમયથી હતી અને જાન્યુઆરી મહિનામાં તેનું શૂટિંગ શરૂ થવાનું હતું. પરંતુ શૂટિંગના થોડા અઠવાડિયા પહેલા જ રણવીરે અચાનક આ પ્રોજેક્ટ છોડી દીધો હતો, જેના કારણે મેકર્સને કરોડો રૂપિયાનું નુકસાન થયું છે. આ વિવાદ વધતા હવે ફિલ્મ ઇન્ડસ્ટ્રીની સંસ્થા FWICE દ્વારા રણવીર સિંહ વિરૂદ્ધ નોનકોઓપરેશન ડાયરેક્ટિવ જારી કરીને તેમને બેન (પ્રતિબંધ) કરવાના નિર્દેશ આપવામાં આવ્યા છે. આ મોટા વિસ્ફોટ બાદ હવે ફિલ્મ જગતમાં ચર્ચા શરૂ થઈ છે કે ફરહાન અખ્તરની આ એક્શન ફ્રેન્ચાઈઝીમાં નવો હીરો કોણ હશે?
રણવીરના કારણે મેકર્સને ૪૫ કરોડનું નુકસાન
એન્ટરટેઇનમેન્ટ ન્યૂઝ પોર્ટલના અહેવાલ અનુસાર, રણવીર સિંહે છેલ્લી ઘડીએ ફિલ્મ છોડતા ડિરેક્ટર-પ્રોડ્યુસર ફરહાન અખ્તર અને રિતેશ સિધવાનીની કંપનીને અંદાજે ૪૫ કરોડ રૂપિયાનું મોટું આર્થિક નુકસાન થયું છે. આ નુકસાનની ભરપાઈ માટે મેકર્સે ફેડરેશન ઓફ વેસ્ટર્ન ઈન્ડિયા સિને એમ્પ્લોઈઝ (FWICE) ની મદદ લીધી છે, જે અંતર્ગત રણવીર પર આ સખત એક્શન લેવાઈ છે. જો કે, રણવીર સિંહના હટ્યા બાદ સોશિયલ મીડિયા પર જે બે મોટા નામોની સૌથી વધુ ચર્ચા થઈ રહી છે, તેમાં અસલી ‘ડોન’ શાહરૂખ ખાન અને બોલિવૂડના ગ્રીક ગોડ ગણાતા ઋતિક રોશન નો સમાવેશ થાય છે.
શું શાહરૂખ ખાન ‘ડોન’ તરીકે વાપસી કરશે?
અત્યારે સિનેમા જગતમાં સૌથી મોટો સવાલ એ છે કે શું શાહરૂખ ખાન ફરી એકવાર પોતાની જૂની ફ્રેન્ચાઈઝીમાં કમબેક કરશે? શરૂઆતમાં અહેવાલો હતા કે શાહરૂખ આ ફિલ્મમાં માત્ર એક કેમિયો (સ્પેશિયલ એપિયરન્સ) કરવાનો હતો. બાદમાં એવી અફવાઓ પણ સામે આવી હતી કે જો સાઉથના ફેમસ ડિરેક્ટર એટલી (Atlee) આ પિક્ચર સાથે ડિરેક્ટર તરીકે જોડાશે, તો જ શાહરૂખ ખાન લીડ રોલ કરશે. જો કે, ડિરેક્ટર એટલીએ આ તમામ સમાચારોને ખોટા ગણાવ્યા છે. હાલમાં શાહરૂખ ખાન પોતાની અન્ય ફિલ્મોના પ્રોજેક્ટ્સ પર ફોકસ કરી રહ્યો હોવાથી, તે ફરહાન અખ્તરનો સહારો બનશે કે નહીં તે અંગે ચાહકોએ હજુ થોડી રાહ જોવી પડશે.
ઋતિક રોશને રોલ ઓફર થયાની વાતને ગણાવી અફવા
બીજી તરફ, આ રેસમાં બીજું મોટું નામ ઋતિક રોશનનું છે. અગાઉ એવા અહેવાલો આવ્યા હતા કે રણવીર સિંહે મેકર્સ પર આરોપ લગાવ્યો હતો કે તેને રિપ્લેસ કરવા માટે અંદરખાને શાહરૂખ અને ઋતિક સાથે વાતચીત ચાલી રહી હતી, જેના કારણે તેણે ફિલ્મ છોડી. જો કે, ઋતિક રોશને આ બાબતે સ્પષ્ટતા કરી દીધી છે કે તેને ક્યારેય ‘ડોન ૩’ નો રોલ ઓફર થયો જ નહોતો અને આ બધી વાતો માત્ર અફવા છે. જ્યોતિષીઓ અને ફિલ્મ વિશ્લેષકોના મતે જો મેકર્સ ઋતિકનો સંપર્ક કરે અને તે હા પાડે, તો તે આ પાત્ર માટે એક શ્રેષ્ઠ વિકલ્પ સાબિત થઈ શકે છે. પરંતુ આ બધી કાનૂની પ્રક્રિયા અને ૪૫ કરોડના નુકસાનની ભરપાઈ થયા બાદ જ ફિલ્મની સત્તાવાર જાહેરાત થઈ શકશે.
👉 આ સમાચાર વાચો:
TMKOC Rules OTT। OTT પ્લેટફોર્મ પર પણ ‘તારક મહેતા..’ નો દબદબો જેઠાલાલની લોકપ્રિયતા સામે રણવીર સિંહની ફિલ્મ ‘ધુરંધર’ પણ ફેઈલ
