News Continuous Bureau | Mumbai
Ek Din Trailer Out: આમિર ખાનના પુત્ર જુનૈદ ખાન અને અભિનેત્રી સાઈ પલ્લવીની આગામી ફિલ્મ ‘એક દિન’ નું ટ્રેલર રિલીઝ કરવામાં આવ્યું છે. ટ્રેલરમાં બંને કલાકારો વચ્ચેની માસૂમ અને રોમેન્ટિક કેમેસ્ટ્રી જોવા મળી રહી છે. આમિર ખાન પ્રોડક્શન્સે ઇન્સ્ટાગ્રામ પર ટ્રેલર શેર કરતા લખ્યું છે કે, “ક્યારેક એક દિવસ પણ પૂરતો હોય છે.” આ ફિલ્મ ૧ મે ૨૦૨૬ના રોજ સિનેમાઘરોમાં રિલીઝ થવાની છે.ટ્રેલરની શરૂઆત એક ‘ફોર્ચ્યુન બેલ’ (નસીબની ઘંટડી) ના સીનથી થાય છે, જ્યાં પ્રેમી યુગલો પોતાનો સાચો પ્રેમ મેળવવા માટે નસીબ અજમાવે છે. ટ્રેલરમાં જુનૈદ એક વિશ માંગતા કહે છે, “કાશ મીરા (સાઈ પલ્લવી) તેની થઈ જાય, ભલે પછી તે માત્ર એક દિવસ માટે કેમ ન હોય!” અહીંથી જ ફિલ્મની ભાવનાત્મક સફર શરૂ થાય છે.
આ સમાચાર પણ વાંચો : Anupamaa Spoiler: પ્રેરણાના રોલમાં ભાવના અજવાનીની જગ્યાએ આ એક્ટ્રેસની એન્ટ્રી, સિરિયલની સૌથી ખતરનાક વિલન બનવા તૈયાર; વાંચો લેટેસ્ટ અપડેટ
થાઈ ફિલ્મની રીમેક છે ‘એક દિન’
સુનીલ પાંડે દ્વારા નિર્દેશિત આ ફિલ્મ ૨૦૧૬ની પ્રખ્યાત થાઈ ફિલ્મ ‘વન ડે’ (One Day) ની સત્તાવાર રીમેક છે. આ એક પ્યોર રોમેન્ટિક ડ્રામા ફિલ્મ છે જેની વાર્તા એક જ દિવસમાં બદલાતી જિંદગી અને પ્રેમની આસપાસ ફરે છે. સાઈ પલ્લવી તેની સાદગી અને અભિનય માટે જાણીતી છે, જ્યારે જુનૈદ ખાન આ ફિલ્મ દ્વારા બોલિવૂડમાં પોતાનું સ્થાન મજબૂત કરવા જઈ રહ્યો છે.
ટ્રેલર રિલીઝ થતાની સાથે જ સોશિયલ મીડિયા પર વાયરલ થઈ ગયું છે. ફેન્સ સાઈ પલ્લવીના લુક અને જુનૈદના માસૂમ પાત્રના વખાણ કરી રહ્યા છે. તાજેતરમાં જ ફિલ્મનું ટાઇટલ ટ્રેક રિલીઝ થયું હતું જેને સારો પ્રતિસાદ મળ્યો હતો અને હવે ટ્રેલરથી ફિલ્મ પ્રત્યેની અપેક્ષાઓ વધી ગઈ છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
