News Continuous Bureau | Mumbai
Erica Fernandez : ટીવી સીરિયલ ‘કુછ રંગ પ્યાર કે ઐસે ભી’થી લોકપ્રિય બનેલી અભિનેત્રી એરિકા ફર્નાન્ડિઝ ને દરેક ઘરમાં ‘પ્રેરણા'(prerana) ના નામથી પણ ઓળખવામાં આવે છે. એકતા કપૂરની સીરિયલ ‘કસૌટી ઝિંદગી કી 2’માં લીડ રોલ કરનાર એરિકા આજે કોઈ ઓળખ પર નિર્ભર નથી. ટીવીની સૌથી લોકપ્રિય અભિનેત્રીઓમાંની એક એરિકા ફર્નાન્ડિઝ તેની સુંદરતા અને સોશિયલ મીડિયા(social media) પોસ્ટના કારણે હેડલાઇન્સમાં રહે છે, પરંતુ આજે અભિનેત્રી તેના દ્વારા કરવામાં આવેલા ખુલાસાને કારણે ચર્ચામાં છે. હાલમાં જ એરિકાએ બાળપણની બીમારી વિશે ચોંકાવનારો ખુલાસો કર્યો છે.
એરિકા એ તેની બીમારી વિશે કર્યો ખુલાસો
તાજેતરના પોડકાસ્ટમાં, જ્યારે એરિકાને પૂછવામાં આવ્યું કે શું તે ‘ભણવા વાળી ‘ છોકરી હતી?, ત્યારે અભિનેત્રીએ ‘ડિસ્લેક્સિક'(Dyslexic) હોવા અંગે ખુલાસો કર્યો. પોતાની બીમારી(disease) વિશે જણાવતાં એરિકાએ કહ્યું, ‘હું ડિસ્લેક્સિક છું. બોર્ડ પર જે કંઈ લખેલું હતું, તે નાચવા લાગતું હતું. તે હજુ પણ છે. કેટલીકવાર, જ્યારે હું શબ્દોને જોઉં છું, ત્યારે મને લાગે છે કે ઉચ્ચાર સાચો હશે, પરંતુ હું વિચારું છું કે તે યોગ્ય નથી લાગતું.’ તમને જણાવી દઈએ કે, ડિસ્લેક્સિયા એ એક પ્રકારનો લર્નિંગ ડિસઓર્ડર છે. ડિસ્લેક્સિયામાં બાળકને શબ્દો વાંચવામાં તકલીફ પડે છે.એરિકાએ આગળ કહ્યું, ‘હું વર્ચ્યુઅલ લર્નર છું. હું ઘણું ઓબઝર્વ કરું છું. તેથી જ હું બહુ વાંચતી નથી. પણ હું સાંભળી શકું છું અને જોઈ શકું છું અને શીખી શકું છું. મને અભ્યાસમાં બહુ રસ નહોતો. હું શાળામાં પરીક્ષા ના એક-બે દિવસ પહેલા જ બેસતી હતી અને અભ્યાસ કરતી હતી. હું એવરેજ વિદ્યાર્થી હતી અને શાળામાં મારો રેન્ક 10મો હતો.’
એરિકા ફર્નાન્ડિઝ નું વર્ક ફ્રન્ટ
તમને જણાવી દઈએ કે, એરિકા ભારત છોડીને કાયમ માટે દુબઈ શિફ્ટ થઈ ગઈ છે. અભિનેત્રી અવારનવાર કામ માટે ભારત આવે છે. તેણીએ પોતાની પ્રોડક્શન અને ઇવેન્ટ મેનેજમેન્ટ કંપની પણ ખોલી છે જેથી તે જે પ્રકારનું કામ કરવા માંગે છે તે કરી શકે. નોંધપાત્ર વાત એ છે કે, તે છેલ્લે એક શોર્ટ હોરર ફિલ્મમાં જોવા મળી હતી, જેના માટે તે ભારત આવી હતી. એરિકા ‘કસૌટી ઝિંદગી કી 2’, ‘કુછ રંગ પ્યાર કે ઐસે ભી’ માટે જાણીતી છે.
આ સમાચાર પણ વાંચો : Mumbai Red Alert : મુંબઈગરાઓ, ઘરેથી નીકળતા પહેલા વાંચો આ સમાચાર, શહેરમાં આજે અતિ ભારે વરસાદની આગાહી, હવામાન વિભાગે જારી કર્યું આ એલર્ટ. તમામ સ્કૂલ-કોલેજોમાં રજા..
