News Continuous Bureau | Mumbai
Rohit Shetty Legal Trouble: બોલિવૂડના જાણીતા ડાયરેક્ટર અને એક્શન ફિલ્મોના કિંગ ગણાતા રોહિત શેટ્ટી અત્યારે એક મોટી કાયદાકીય મુસીબતમાં ફસાયા હોય તેવું લાગી રહ્યું છે. પોતાની ફિલ્મોમાં પોલીસ અને ગાડીઓના પાવરફુલ સીન બતાવનારા રોહિત શેટ્ટીએ અસલી જિંદગીમાં પોતાની ખાનગી ગાડીઓ પર ‘પોલીસ’ ના સ્ટીકર અને લોગો લગાડ્યા છે, જેને કારણે RTO અધિકારીઓ ભારે નારાજ થયા છે અને તેમની વિરુદ્ધ કાર્યવાહીની તૈયારી ચાલી રહી છે.
આ સમાચાર પણ વાંચો : Dhurandhar 2 Controversy: ‘‘ધુરંધર 2’ વિવાદોના વમળમાં: મેકર્સ પર સ્ક્રિપ્ટ ચોરીનો આરોપ, ફિલ્મમેકરે પુરાવા સાથે કર્યો મોટો ધડાકો!
ખાનગી SUV પર પોલીસ સ્ટીકર લગાવવું પડ્યું ભારે
મીડિયા રિપોર્ટ અનુસાર, રોહિત શેટ્ટીએ પોતાની બે ખાનગી SUV કારને કસ્ટમાઇઝ કરાવી છે. આશ્ચર્યની વાત એ છે કે શૂટિંગ દરમિયાન અને રસ્તા પર ચલાવતી વખતે આ ખાનગી ગાડીઓ પર ગેરકાયદેસર રીતે ‘Police’ લખેલા સ્ટીકરો અને લોગો લગાડવામાં આવ્યા હતા. મોટર વ્હીકલ એક્ટ 1988 (Motor Vehicle Act 1988) ની કલમ 177 મુજબ, પોલીસ વિભાગ અથવા કાયદા અમલીકરણ એજન્સીઓ સિવાય કોઈપણ સામાન્ય નાગરિક પોતાની ખાનગી ગાડી પર આવા સ્ટીકરો કે લાઈટો લગાડી શકતું નથી.
એક સિનિયર ટ્રાફિક અધિકારીએ જણાવ્યું હતું કે, કાર પર પોલીસનું સ્ટીકર કે લાઈટ લગાવવાની પરવાનગી માત્ર ફરજ પરના અધિકારીઓને જ હોય છે. જ્યારે તપાસ કરવામાં આવી ત્યારે જાણવા મળ્યું કે જે બે SUV પર પોલીસના સ્ટીકર હતા તે બંને રોહિત શેટ્ટીના નામે રજિસ્ટર્ડ છે. 2019માં સુધારેલા મોટર વ્હીકલ એક્ટ અંતર્ગત આ એક ગંભીર ગુનો છે, જેમાં દંડ અને જેલની સજા બંનેની જોગવાઈ છે. RTO અધિકારીઓ આ મામલે સખત વલણ અપનાવી રહ્યા છે.આ વિવાદ સોશિયલ મીડિયા પર પણ ખૂબ વાયરલ થઈ રહ્યો છે અને લોકો કાયદાની સમાનતા વિશે સવાલો ઉઠાવી રહ્યા છે. જોકે, આ સમગ્ર મામલે રોહિત શેટ્ટી તરફથી અત્યાર સુધી કોઈ સત્તાવાર નિવેદન કે સ્પષ્ટતા સામે આવી નથી. હવે જોવાનું એ રહેશે કે પોલીસ આ ‘સિંઘમ’ ડાયરેક્ટર વિરુદ્ધ કેવા પગલાં ભરે છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
