News Continuous Bureau | Mumbai

Gaurav Khanna Akansha Chamola Divorce ટેલિવિઝન ઇન્ડસ્ટ્રીના લોકપ્રિય અભિનેતા ગૌરવ ખન્ના અને તેમની પત્ની આકાંક્ષા ચમોલાના છૂટાછેડાના સમાચારે હાલમાં ભારે ચર્ચા જગાવી છે. રિયાલિટી શો ‘લોકઅપ ૨’ માં આકાંક્ષાએ જ્યારે ખુલાસો કર્યો કે તેઓ બંને છેલ્લા એક વર્ષથી અલગ રહે છે અને ટૂંક સમયમાં જ છૂટાછેડા લેવાના છે, ત્યારે સોશિયલ મીડિયા પર યુઝર્સે આ કપલને ટ્રોલ કરવાનું શરૂ કર્યું હતું. લોકોનો આરોપ હતો કે થોડા સમય પહેલાં જ બંને ‘બિગ બોસ ૧૮’ માં સાથે દેખાયા હતા અને બર્થડે પણ સેલિબ્રેટ કર્યો હતો, તો શું આ બધું પબ્લિસિટી સ્ટન્ટ હતું? આ તમામ ટ્રોલીંગ અને આક્ષેપો વચ્ચે હવે આકાંક્ષાના પિતા રાજેન્દ્ર ચમોલા મેદાનમાં આવ્યા છે અને તેમણે જમાઈ ગૌરવ ખન્ના પર ગંભીર આરોપો લગાવીને સનસનાટી મચાવી દીધી છે.

Gaurav Khanna Akansha Chamola Divorce – દીકરીએ જે કહ્યું તે બધું સાચું છે, ગૌરવ આકાંક્ષાને ફાઇનાન્સિયલ અને મોરલ સપોર્ટ ન આપી શક્યો

સોશિયલ મીડિયા પ્લેટફોર્મ પર વાયરલ થઈ રહેલી એક રીલ પર સત્તાવાર કમેન્ટ કરતાં આકાંક્ષાના પિતા રાજેન્દ્ર ચમોલાએ લખ્યું, “જેમ કે તમે બધા સાચા છો, હું આકાંક્ષાનો પપ્પા છું. મારી દીકરીએ શોમાં જે પણ કહ્યું છે તે બધું સો ટકા સાચું છે. તે છેલ્લા એક વર્ષથી મુંબઈના અંધેરી વિસ્તારમાં આવેલા મારા ઘરે જ રહી રહી છે. જ્યાં સુધી ગૌરવ અને આકાંક્ષા સત્તાવાર રીતે અલગ (Officially Separate) ન થઈ જાય, ત્યાં સુધી તેઓ પ્રોફેશનલ કમિટમેન્ટ્સના કારણે સાથે દેખાતા રહેશે.” તેમણે આગળ કડક શબ્દોમાં ઉમેર્યું કે, ગૌરવ માટે મારી પાસે એક જ શબ્દ છે કે તે ઘણો સારો એક્ટર છે, પરંતુ તે વાસ્તવિક જીવનમાં આકાંક્ષાને ફાઇનાન્સિયલ (નાણાકીય) અને મોરલ (નૈતિક) સપોર્ટ આપવામાં સંપૂર્ણ નિષ્ફળ રહ્યો છે.

Gaurav Khanna Akansha Chamola Divorce – બાળક બાબતે ભરોસો તોડ્યો, મીડિયા સમક્ષ એક્ટિંગ કરીને મારી દીકરીને વિલન બતાવી

ગૌરવ ખન્ના પર આકરા પ્રહારો કરતાં રાજેન્દ્ર ચમોલાએ પોતાના કમેન્ટ બોક્સમાં વધુમાં લખ્યું કે, ગૌરવે માત્ર લગ્નજીવનના નિયમો જ નથી તોડ્યા, પરંતુ બાળકના મુદ્દે પણ આકાંક્ષાનો ભરોસો તોડ્યો છે. તેણે જાણીજોઈને મીડિયા અને કેમેરા સામે એવી એક્ટિંગ કરી જેથી દર્શકોની સહાનુભૂતિ મેળવી શકાય. ગૌરવે પોતાની ઈમેજ સારી રાખવા માટે મીડિયા સમક્ષ આકાંક્ષાને એક ‘વિલન’ તરીકે રજૂ કરવાનો પ્રયાસ કર્યો છે, જે અત્યંત આઘાતજનક છે. પિતાના આ ખુલાસા બાદ સોશિયલ મીડિયા પર ગૌરવ ખન્નાના ફેન્સ અને આકાંક્ષાના સમર્થકો વચ્ચે જોરદાર જંગ શરૂ થઈ ગઈ છે.

Gaurav Khanna Akansha Chamola Divorce- અનુપમા થી ફેમસ થયેલા ગૌરવે બિગ બોસની ટ્રોફી પણ જીતી, હવે પર્સનલ લાઈફના કારણે વિવાદમાં

ઉલ્લેખનીય છે કે ગૌરવ ખન્ના સ્ટાર પ્લસના સુપરહિટ શો ‘અનુપમા’માં (Anupamaa) અનુજ કાપડિયા નું પ્રખ્યાત પાત્ર ભજવીને ઘર-ઘરમાં લોકપ્રિય બન્યો હતો. આ સિવાય તેણે સેલિબ્રિટી માસ્ટરશેફ અને બિગ બોસ ૧૮ (Bigg Boss 18) ની ટ્રોફી પણ પોતાના નામે કરી છે, જેના કારણે તેની ફેન ફોલોઇંગ ખૂબ જ મોટી છે. ટીવી સ્ક્રીન પર આદર્શ પતિ અને શાંત વ્યક્તિ તરીકે દેખાતા ગૌરવની પર્સનલ લાઈફનો આ કાળો પક્ષ સામે આવતા જ ફેન્સ પણ આશ્ચર્યચકિત થઈ ગયા છે. હાલમાં આકાંક્ષા ‘લોકઅપ ૨’ ના શોમાં સતત પોતાની આઝાદી અને ગૌરવથી અલગ થવા પર ખુલીને વાત કરી રહી છે, જ્યારે ગૌરવ ખન્નાએ હજી સુધી આ તમામ ગંભીર આરોપો પર મૌન સેવી રાખ્યું છે.

👉 આ સમાચાર વાચો:
Celebrity Bonding દીપિકારણવીરના ફેન્સ માટે ખુશખબર! પ્રેગ્નેન્સીના દિવસોમાં પત્ની માટે રણવીર બન્યો ‘કેરિંગ હસબન્ડ’, સોશિયલ મીડિયા પર ફેન્સ થયા ફિદા