News Continuous Bureau | Mumbai
Laalo Krishna Sada Sahaayate OTT Release: ગુજરાતી ફિલ્મ ઇન્ડસ્ટ્રીની સૌથી મોટી હિટ ફિલ્મોમાંની એક એવી ‘લાલો-કૃષ્ણ સદા સહાયતે’ હવે ઘરબેઠા પ્રેક્ષકો સુધી પહોંચવા તૈયાર છે. અંકિત સખિયા દ્વારા નિર્દેશિત આ ફિલ્મ ૬ માર્ચ, ૨૦૨૬ ના રોજ સોની લિવ (Sony LIV) પ્લેટફોર્મ પર રિલીઝ કરવામાં આવશે. ૧૦ ઓક્ટોબર, ૨૦૨૫ ના રોજ થિયેટરોમાં રિલીઝ થયેલી આ ફિલ્મે માત્ર ૫૧ દિવસમાં ૧૦૦ કરોડનો આંકડો વટાવીને એક રેકોર્ડ સ્થાપિત કર્યો હતો. આ ફિલ્મની સફળતા પાછળ તેની વાર્તા અને પાત્રોની સરળતા રહેલી છે. શ્રુહદ ગોસ્વામીએ ‘લાલો’ ના પાત્રમાં પ્રાણ ફૂંક્યા છે, જે એક ઓટો-રિક્ષા ડ્રાઈવર છે. ફિલ્મમાં ભગવાન કૃષ્ણની દિવ્ય દૃષ્ટિ અને માનવીય સંઘર્ષને જે રીતે વણી લેવામાં આવ્યો છે, તે દર્શકોના દિલને સ્પર્શી ગયો હતો. હવે આ ફિલ્મ ગુજરાતી ઉપરાંત હિન્દી વર્ઝનમાં પણ ઉપલબ્ધ થવાની શક્યતા છે.
આ સમાચાર પણ વાંચો : Vijay Deverakonda Rashmika Mandanna Wedding Photos: લગ્ન બાદ વિજય દેવરકોંડાએ રશ્મિકા માટે લખી દિલ જીતી લે તેવી પોસ્ટ; તસવીરો જોઈને ફેન્સની આંખોમાં આવ્યા આંસુ!
શું છે ફિલ્મની વાર્તા?
ફિલ્મની વાર્તા લાલો નામના રિક્ષા ચાલકની છે, જે ભૂતકાળના ખોટા નિર્ણયો અને પસ્તાવાને કારણે ડિપ્રેશનનો શિકાર બન્યો છે. જિંદગીથી કંટાળી ગયેલો લાલો જ્યારે એકલા પવિત્ર ફાર્મહાઉસમાં ફસાઈ જાય છે, ત્યારે તેને ભગવાન કૃષ્ણના દર્શન થાય છે. આ દિવ્ય અનુભવ તેને પોતાના ડર અને નબળાઈઓ સામે લડવાની શક્તિ આપે છે. ફિલ્મમાં પત્ની તુલસી (રીવા રચ) અને પુત્રી સાથેના તેના સંબંધોની ભાવનાત્મક સફર દર્શાવવામાં આવી છે.
#PremiereAlert #LaaloKrishnaSadaSahaayate will arrive on @SonyLIV on March 6th
The movie is the biggest blockbuster in Gujarati cinema pic.twitter.com/SM1n2UAS40
— BINGED (@Binged_) February 28, 2026
આ ફિલ્મ ગુજરાતી સિનેમા માટે ગેમ-ચેન્જર સાબિત થઈ છે. માત્ર ૫૦ થી ૫૧ લાખ ના નજીવા બજેટમાં બનેલી આ ફિલ્મે જે રીતે બોક્સ ઓફિસ પર ૧૦૦ કરોડથી વધુનો બિઝનેસ કર્યો, તે ફિલ્મ નિર્માતાઓ માટે એક ઉદાહરણ છે. ૯ જાન્યુઆરી, ૨૦૨૬ ના રોજ હિન્દીમાં રિલીઝ થયા બાદ આખા ભારતમાં તેની લોકપ્રિયતા વધી હતી. હવે OTT ના માધ્યમથી આ ફિલ્મ વિશ્વભરના ગુજરાતીઓ સુધી પહોંચશે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
