News Continuous Bureau | Mumbai
ઋત્વિક રોશને સોશિયલ મીડિયા પર ખુલાસો કર્યો કે તેનું શરીર એક ‘અનોખો કિસ્સો’ છે. તેણે જણાવ્યું કે ૨૫ જાન્યુઆરીએ અચાનક તેના ડાબા ઘૂંટણે ‘બ્રેક’ લઈ લીધો હતો, જેના કારણે તેને આખો દિવસ લાકડીનો સહારો લેવો પડ્યો હતો. ઋત્વિકે સ્વીકાર્યું કે તે માત્ર અત્યારે જ નહીં, પણ બાળપણથી જ શારીરિક અને માનસિક રીતે અનેક પડકારોનો સામનો કરી રહ્યો છે.ઋત્વિકે પોતાની પોસ્ટમાં રમૂજી અંદાજમાં જણાવ્યું કે કેવી રીતે તેનું શરીર અને મગજ ક્યારેક તેની મરજી વિરુદ્ધ કામ કરે છે.
આ સમાચાર પણ વાંચો : Hrithik Roshan: ફાઈટર ઋત્વિકની આ હાલત? લાકડીના સહારે જોવા મળ્યો સુપરસ્ટાર; સોશિયલ મીડિયા પર વાયરલ થયો વિડીયો
શરીરના અંગોનું ‘ઓન/ઓફ’ બટન
ઋત્વિકે લખ્યું કે તેના શરીરના કેટલાક ભાગો જેમ કે ડાબો પગ, ડાબો ખભા અને જમણી ઘૂંટી જન્મથી જ એવી રીતે કામ કરે છે કે તે ગમે ત્યારે ‘ઓફ’ થઈ જાય છે. તેણે આ સ્થિતિને એક ‘નાની સુવિધા’ ગણાવી, જેના કારણે તેને એવા અનુભવો થયા છે જે સામાન્ય માણસોને નથી મળતા. આ સમસ્યાઓને કારણે તે ઘણીવાર લાચારી અને નિરાશાના અંધકારમાં સરી પડે છે, પરંતુ તેમાંથી બહાર આવવાનો રસ્તો પણ તે પોતે જ શોધે છે.ઋત્વિકે બાળપણની પોતાની હકલાવવાની આદત વિશે પણ વાત કરી. તેણે એક મજેદાર કિસ્સો શેર કરતા કહ્યું કે ક્યારેક તેની જીભ અમુક શબ્દો બોલવાની ના પાડી દે છે. દાખલા તરીકે, જો સેટ પર ગંભીર સીન ચાલતો હોય અને તેણે ‘ડિનર’ શબ્દ બોલવાનો હોય, પણ જો જીભ સાથ ન આપે, તો તે હોશિયારીથી તેની જગ્યાએ ‘લંચ’ શબ્દ બોલી નાખે છે. આનાથી ડિરેક્ટર ઘણીવાર મુંઝવણમાં મુકાઈ જાય છે, પણ ઋત્વિક તેને પોતાની મજબૂરી માનીને હસી કાઢે છે.
આટલી મુશ્કેલીઓ છતાં ઋત્વિકનો આત્મવિશ્વાસ ડગ્યો નથી. તેણે જણાવ્યું કે આ સમસ્યાઓએ તેના મગજમાં એવા રસ્તા બનાવ્યા છે જે અન્ય લોકોથી અલગ છે. તેનું ‘સેન્સ ઓફ હ્યુમર’ તેને આ પરિસ્થિતિઓમાં જીવંત રાખે છે. સેટ પર જ્યારે તે ભૂલો કરે છે ત્યારે આસપાસના લોકોની મદદ અને પ્રેમ તેને ભાવુક કરી દે છે. ઋત્વિકની આ પોસ્ટ પરથી સ્પષ્ટ થાય છે કે પડદા પર સુપરમેન દેખાતા આ અભિનેતા વાસ્તવિક જીવનમાં પણ એક સાચા ફાઈટર છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
