News Continuous Bureau | Mumbai
Ikkis Movie Review: ફિલ્મ ‘ઈક્કીસ’ ૧૯૭૧ના ભારત-પાકિસ્તાન યુદ્ધના હીરો સેકન્ડ લેફ્ટનન્ટ અરુણ ખેત્રપાલની વાયરોપંતી પર આધારિત છે. ફિલ્મની શરૂઆત ૨૦૦૧ના વર્ષથી થાય છે, જ્યાં રિટાયર્ડ બ્રિગેડિયર એમ.એલ. ખેત્રપાલ (ધર્મેન્દ્ર) પાકિસ્તાન જાય છે અને ત્યાં તેમની મુલાકાત બ્રિગેડિયર નાસિર (જયદીપ અહલાવત) સાથે થાય છે. અહીંથી વાર્તા ફ્લેશબેકમાં જાય છે અને ૨૧ વર્ષના અરુણ ખેત્રપાલની વીરતાના દર્શન કરાવે છે
આ સમાચાર પણ વાંચો : Varun Dhawan Rejected For Movie Ikkis: ‘ઈક્કીસ’ માટે વરુણ ધવન કેમ થયો રિજેક્ટ? ડાયરેક્ટરે જણાવ્યું અગસ્ત્ય નંદાને કાસ્ટ કરવાનું ખાસ કારણ
અગસ્ત્ય નંદા અને ધર્મેન્દ્રનું દમદાર પર્ફોર્મન્સ
નેટફ્લિક્સની ‘ધ આર્ચીઝ’ પછી અગસ્ત્ય નંદાએ આ ફિલ્મથી મોટા પડદા પર ડેબ્યુ કર્યું છે. એક યુવા ફૌજીના જોશ અને શહીદ થતા પહેલાના સંઘર્ષને અગસ્ત્યએ ખૂબ જ સુંદર રીતે નિભાવ્યો છે. બીજી તરફ, ૮૯ વર્ષની વયે ધર્મેન્દ્રને પડદા પર જોવા એ એક લ્હાવો છે. પોતાના પુત્રને ગુમાવવાનું દુઃખ અને દેશ માટેના ગર્વને તેમણે પોતાની આંખોથી વ્યક્ત કર્યો છે.’અંધાધૂન’ ફેમ શ્રીરામ રાઘવને પહેલીવાર વોર ફિલ્મ બનાવી છે. ટેન્ક વોરફેર (ટેન્ક વચ્ચેની લડાઈ)ના દ્રશ્યો આ ફિલ્મનું મુખ્ય આકર્ષણ છે. ફિલ્મનો સેકન્ડ હાફ એક્શનથી ભરપૂર છે, જે તમને ખુરશી સાથે જકડી રાખશે. જયદીપ અહલાવતે પણ પાકિસ્તાની ઓફિસર તરીકે શાનદાર અભિનય કર્યો છે.
ફિલ્મમાં ધર્મેન્દ્રએ પોતે લખેલી કવિતા ‘આજ ભી જી કરતા હૈ, પિંડ અપને નુ જાવાં’ સાંભળવા મળે છે. આ કવિતા અને ધર્મેન્દ્રનો અભિનય દર્શકોને ભાવુક કરી દે છે. અક્ષય કુમારની ભત્રીજી સિમર ભાટિયા અને અસરાનીના કેમિયો પણ ફિલ્મમાં મહત્વના છે.
(News Continuous brings you all the latest breaking news, viral trends and information from the social media world, including Twitter, Instagram and Youtube. The above post is embedded directly from the user’s social media account and News Continuous Staff may not have modified or edited the content body. The views and facts appearing in the social media post do not reflect the opinions of News Continuous, also News Continuous does not assume any responsibility or liability for the same.)
