News Continuous Bureau | Mumbai
બોલિવૂડ એક્ટ્રેસ જાહ્નવી કપૂર આજકાલ ફિલ્મમેકર્સ ની પહેલી પસંદ છે. તે જ સમયે, લોકો અભિનેત્રીને સાઉથ ઇન્ડસ્ટ્રીમાં પણ ખૂબ પસંદ કરી રહ્યા છે. કારણ કે તાજેતરમાં જ અભિનેત્રીને બે ફિલ્મો માટે ઓફર કરવામાં આવી છે. જેમાંથી એક RRR સુપરસ્ટાર અભિનેતા જુનિયર NTR સાથે છે. અહેવાલો અનુસાર, અભિનેત્રી જાન્હવી કપૂર આ ફિલ્મ માટે મોટી ફી માંગી રહી છે. જે અભિનેત્રી રશ્મિકા મંદન્ના અને મૃણાલ ઠાકુરે માંગેલી ફી કરતા પણ વધુ છે.
જાહ્નવી એ સાઈન કરી NTR 30
મળતી માહિતી મુજબ, જાહ્નવીને NTR 30ની અભિનેત્રી તરીકે સાઈન કરવામાં આવી છે. આજકાલ સાઉથ ફિલ્મોના વધતા ક્રેઝ વિશે કોઈ શંકા નથી કે દરેક બોલિવૂડ અભિનેતા તે સેગમેન્ટ નો ભાગ બનવાની ઈચ્છા રાખે છે. મૃણાલ ઠાકુર અભિનીત ‘સીતા રામન’ અને આલિયા ભટ્ટ અભિનીત ‘RRR’ ગયા વર્ષે રિલીઝ થઈ હતી. બંને અભિનેત્રીઓ ના અભિનયની ખૂબ પ્રશંસા કરવામાં આવી હતી અને ફિલ્મને દર્શકોએ ખૂબ પસંદ કરી હતી.
આ સમાચાર પણ વાંચો: નોરા ફતેહી બાદ આ પાકિસ્તાની અભિનેત્રી સાથે જોવા મળ્યો આર્યન ખાન, ફેન્સ થયા કન્ફ્યુઝ, આખરે બંને માંથી કોને ડેટ કરી રહ્યો છે શાહરુખ ખાન નો લાડલો?
જાહ્નવી કપૂરે માંગી ભારી ભરખમ ફી
પ્રાપ્ત માહિતી અનુસાર તાજેતરમાં મૃણાલ ઠાકુરે ‘સીતા રામન’ ફિલ્મ માટે 1 કરોડ ફી લીધી હતી. આ ફિલ્મને બોક્સ ઓફિસ પર જબરદસ્ત સફળતા મળી હતી. જે બાદ તેણે પોતાની ફી વધારી દીધી છે. બીજી તરફ પુષ્પા ફિલ્મની સફળતા બાદ રશ્મિકા મંદન્નાએ પણ પોતાની ફી વધારીને પ્રતિ ફિલ્મ 5 કરોડ કરી દીધી છે. હવે લેટેસ્ટ રિપોર્ટ એ છે કે જ્હાન્વી કપૂરે ‘NTR 30’માં કામ કરવા માટે મોટી ફી માંગી છે. તેણે આ ફિલ્મ માટે કેટલા કરોડ માંગ્યા તે જાહેર કરવામાં આવ્યું નથી, પરંતુ એવું કહેવામાં આવી રહ્યું છે કે તેણે આ મામલે રશ્મિકા મંદન્ના અને મૃણાલ ઠાકુર ને પણ પાછળ છોડી દીધા છે.
